Միջուկային ոլորտում Ռուսաստանի փորձառությունն ավելի մեծ է, քան ԱՄՆ-ինը, իսկ ծառայությունների արժեքը՝ ավելի ցածր։ Այս մասին լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը՝ խոսելով Երևանի և Վաշինգտոնի ատոմային նախագծերի մասին։
«Ինչ վերաբերում է ատոմային էներգետիկայի ոլորտում Հայաստանի և ԱՄՆ-ի փոխգործակցությանը, այնտեղ հին խորհրդային օբյեկտներ կան, որոնք, իհարկե, խորհրդային և ռուսական նախագծման են։ Այստեղ Ռուսաստանը, անկասկած, ավելի մեծ փորձառություն ունի և օժտված է ավելի մեծ մրցունակությամբ», – նշել է Կրեմլի ներկայացուցիչը։
Նրա խոսքով՝ ատոմային ոլորտում աշխարհի ամենաառաջադեմ երկիրը լինելով, Ռուսաստանը կարող է դիմակայել միջազգային մրցակցության ամենաբարձր մակարդակին, եթե նման մրցակցությունը պահանջարկ ունենա գործընկերների կողմից։
«Ռուսաստանը կարող է ավելի քիչ գումարով ավելի լավ որակ ապահովել երկար տարիներ», – ասել է Պեսկովը։
Հիշեցնենք, որ փետրվարի 9-ին Երևանում ՀՀ վարչապետ Նիկոլ Փաշինյանը և ԱՄՆ փոխնախագահ Ջեյ Դի Վենսը համաձայնագիր ստորագրեցին, որի շրջանակում ԱՄՆ-ն Հայաստանին փոքր մոդուլային ռեակտորներ կմատակարարի: Խոսքը 9 մլրդ դոլարի մասին է. սկզբում 5 մլրդ դոլարի սարքավորումներ, իսկ մնացած 4 մլրդ դոլարը կգնա վառելիքի մատակարարման և ռեակտորի սպասարկման պայմանագրերի (երկարաժամկետ հեռանկարում) վրա:
Sputnik Արմենիա
