Ալյասկայում Ռուսաստանի նախագահ Վլադիմիր Պուտինի հետ կայանալիք գագաթնաժողովում ԱՄՆ նախագահ Դոնալդ Թրամփի պատվիրակության կազմում ընդգրկվել է 16 մարդ: Այս մասին հայտնում է ՌԻԱ Նովոստին՝ վկայակոչելով Սպիտակ տան մամուլի ծառայությանը։
Հրապարակված ցուցակի համաձայն՝ նախագահական օդանավում են գտնվում պետքարտուղար Մարկո Ռուբիոն, ֆինանսների նախարար Սքոթ Բեսենթը, առևտրի նախարար Հովարդ Լատնիկը, ԿՀՎ տնօրեն Ջոն Ռատկլիֆը, հատուկ բանագնաց Սթիվ Ուիտկոֆը, Սպիտակ տան մամուլի քարտուղար Կարոլին Լիվիտը, ինչպես նաև մի շարք այլ օգնականներ և բարձրաստիճան պաշտոնյաներ:
Թրամփն արդեն Սպիտակ տնից ուղևորվել է «Էնդրյուս» ռազմաօդաային բազա, որտեղից նա կմեկնի Ալյասկա՝ Պուտինի հետ հանդիպման:
ԱՄՆ-ի և Ռուսաստանի նախագահները կհանդիպեն օգոստոսի 15-ին Ալյասկայի Էլմենդորֆ-Ռիչարդսոն ռազմաբազայում: Բանակցությունները կսկսվեն տեղական ժամանակով 11: 30-ին (Երևանի ժամանակով 23:30-ին):
Նախագահները սկզբում առանձնազրույց կունենան (ներկա կլինեն միայն թարգմանիչները), ապա աշխատանքային նախաճաշին նրանց կմիանան պատվիրակությունների մյուս անդամները:
Sputnik Արմենիա
