Իրանի դեմ ամերիկա-իսրայելական ագրեսիայի սկզբից ի վեր Ռուսաստան է վերադարձել 327 Ռուսաստանի քաղաքացի։ Այս մասին հայտնել է Հայաստանում Ռուսաստանի դեսպանատունը։
Դիվանագիտական առաքելությունը նաև հայտնել է, որ մարտի 27-ին, ռուս դիվանագետների և հայ ներկայացուցիչների համակարգված ջանքերի շնորհիվ, Բուշերի ատոմակայանից տարհանված և Իրանից Նուրդուզ/Ագարակ սահմանային անցակետով Հայաստան ժամանած «Ռոսատոմ» պետական կորպորացիայի ևս 164 աշխատակից վերադարձել է հայրենիք։
«Երևանից Մոսկվա հատուկ չվերթով մեկնած ռուսների հետ մեկտեղ տարհանվել են նաև Բելառուսի, Տաջիկստանի և Ուզբեկստանի քաղաքացիներ։ Մենք մեր խորին շնորհակալությունն ենք հայտնում Հայաստանի Հանրապետության իշխանություններին՝ բարության և «Ռոսատոմ» պետական կորպորացիայի աշխատակիցների արագ մուտքի համար», – հավելել է Ռուսաստանի դեսպանատունը։
Արմինֆո
