Ռուսաստանի պաշտպանության նախարարությունը հայտարարություն է տարածել Լեհաստանի օդային տարածքի խախտման կապակցությամբ։
Գերատեսչության հայտարարության համաձայն՝ Լեհաստանի տարածքում ոչնչացման համար նախատեսված թիրախներ չեն եղել։
«Հարվածի ժամանակ օգտագործված ռուսական անօդաչու թռչող սարքերի առավելագույն թռիչքի հեռավորությունը, որոնք ենթադրաբար հատել էին Լեհաստանի հետ սահմանը, չի գերազանցում 700 կմ-ը։
Այնուամենայնիվ, մենք պատրաստ ենք այս հարցի շուրջ խորհրդակցություններ անցկացնել Լեհաստանի պաշտպանության նախարարության հետ», – ասվում է Ռուսաստանի պաշտպանության նախարարության հայտարարության մեջ։
Գերատեսչության հաղորդագրության համաձայն՝ այս գիշեր Ռուսաստանի Դաշնության զինված ուժերը լայնածավալ հարված են հասցրել ցամաքային, ծովային և օդային բարձր ճշգրտության հեռահար զենքերով, ինչպես նաև հարվածային անօդաչու թռչող սարքերով Ուկրաինայի Իվանո-Ֆրանկիվսկի, Խմելնիցկիի, Ժիտոմիրի մարզերի, ինչպես նաև Վիննիցա և Լվով քաղաքների ռազմարդյունաբերական համալիրի ձեռնարկություններին։
«Ուկրաինայի ռազմարդյունաբերական համալիրի այս ձեռնարկություններն իրականացնում էին Ուկրաինայի զինված ուժերի զրահապատ և ավիացիոն տեխնիկայի արտադրություն և վերանորոգում, դրանց համար շարժիչների և էլեկտրոնային բաղադրիչների, ինչպես նաև անօդաչու թռչող սարքերի արտադրություն։
Լվով քաղաքի հարավային և հարավարևմտյան ծայրամասերում վնասվել են Լվովի զրահատեխնիկայի գործարանի արհեստանոցները, որտեղ վերանորոգվել և արդիականացվել են զրահատեխնիկա և Լվովի ավիացիոն գործարան LDARZ-ը, որտեղ արտադրվել են հեռահար անօդաչու թռչող սարքեր և վերանորոգվել են Ուկրաինայի զինված ուժերի մարտական ինքնաթիռներ։
Հարվածի նպատակները հասել են։ Բոլոր նշանակված օբյեկտները խոցված են», – նշվում է ՌԴ ՊՆ հայտարարության մեջ։
News.am
