Ռուսաստանն ու Հայաստանը ԵԱՏՄ երկրների ապրանքների համար նավիգացիոն կապարակնիքների փորձ են սկսել։
Ռուսաստանն ու Հայաստանը ԵԱՏՄ երկրներից բեռների նկատմամբ նավիգացիոն կապարակնիքների կիրառման պիլոտային նախագիծ են գործարկել։ Խոսքը Ռուսաստանի և Հայաստանի միջև ավտոտրանսպորտով ապրանքների առաքման մասին է երրորդ պետությունների միջոցով, որոնք Միության մաս չեն կազմում։ Նախագծի նպատակը ԵԱՏՄ շրջանակներում փոխադրումների մոնիթորինգի և հետևման մեխանիզմների մշակումն է։
Նավիգացիոն կապարակնիքների կիրառմամբ փորձը պետք է սկսվեր դեռևս այս տարվա հուլիսի 1-ից, սակայն Ռուսաստանի կառավարությունը համապատասխան որոշում է ընդունել միայն օգոստոսին:
Մինչև հոկտեմբերի վերջ երկրների միջև նախատեսվում է իրականացնել 100 փոխադրում՝ 50-ական Ռուսաստանից Հայաստան և հակառակ ուղղությամբ։ Ընդ որում, փորձը մասնակիցների համար կլինի կամավոր և անհատույց։
Alpha News
