Ռուս քաղաքագետ․ Եթե Հայաստանը զրկվի ռուսական ներկայությունից, կարող է կորցնել Սյունիքը

Եթե Ադրբեջանն ու Թուրքիան ունենան այն ընկալումը, որ Ռուսաստանը չի պաշտպանի Հայաստանին անգամ ագրեսիայի դեպքում, ապա Հայաստանը կարող է առնվազն զրկվել Սյունիքի մարզից։ Այսպիսի կարծիք է հայտնել ռուս քաղաքագետ, Տնտեսության բարձրագույն դպրոցի Եվրոպական և միջազգային հետազոտությունների կենտրոն Գիտահետազոտական համալսարանի (ՏԲԴ ԵՄՀԿ ԳՀՀ) փոխտնօրեն Դմիտրի Սուսլովը Երևանում անցկացվող կլոր սեղանի ընթացքում։

«Խոսքը ԹՐԻՓ-ի մասին չէ, այլ պարզապես «միացյալ Ադրբեջանի» մասին։ Սյունիքը կդառնա Ադրբեջան և միջանցք դեպի Նիխիջևանի շրջան։ Ես կարծում եմ, որ սա լիովին կենսունակ սցենար է, որը կարող է իրականացվել անկախ Երևանի քաղաքական համաձայնություններից Բաքվի և Անկարայի հետ։ Ոչ մի պայմանավորվածություն չի իրականացվի, հատկապես այնպիսի երկրների հետ, ինչպիսին են Ադրբեջանը և Թուրքիան՝ ներկայիս քաղաքական ռեժիմների պայմաններում։ Հայ-ադրբեջանական և հայ-թուրքական հարաբերությունների ցանկացած ջերմացում լիովին կանտեսվի այդ երկրների էլիտաների կողմից, եթե Հայաստանը կորցնի Ռուսաստանի ներկայությունը և նրա կողմից տրամադրվող զսպման գործոնը»,- ընդգծել է քաղաքագետը։

News.am