Սաուդյան Արաբիայի իշխանությունները հայտարարել են, որ Իրանը «մեծ վնաս» կկրի, եթե շարունակի հարձակվել արաբական պետությունների վրա։
«Իրանը շարունակում է իր ագրեսիան՝ հիմնված որևէ փաստական հիմքից զուրկ անհեթեթ պատրվակների վրա», – հայտարարել է թագավորության արտաքին գործերի նախարարությունը։
Ռիադը նշել է, որ իրանական կողմը չի կատարել նախագահ Մասուդ Պեզեշքիանի հայտարարությունն այն մասին, որ Թեհրանը դադարեցրել է իր հարձակումները Պարսից ծոցի արաբական պետությունների վրա։
«Իրանական կողմը փաստացի չի կատարել այս հայտարարությունը ո՛չ Իրանի նախագահի ելույթի ժամանակ, ո՛չ էլ դրանից հետո», – ասվում է Արտաքին գործերի նախարարության հայտարարության մեջ։
Այն հավելել է, որ իրանական հարձակումները նշանակում են «հետագա սրացում, որը լուրջ ազդեցություն կունենա հարաբերությունների վրա՝ թե՛ հիմա, թե՛ ապագայում»։
Ավելի վաղ Սաուդյան Արաբիայի պաշտպանության նախարարությունը հայտարարել է, որ երկուշաբթի առավոտյան երկրի զինված ուժերը ոչնչացրել են Շայբա նավթահանքը թիրախավորող երկու անօդաչու թռչող սարք։
Միևնույն ժամանակ, իշխանությունները հայտնել են, որ Ֆուջեյրա քաղաքում հարձակումից հետո հրդեհ է բռնկվել Արաբական Միացյալ Էմիրությունների նավթային օբյեկտում։ Հետագայում հրդեհը մարվել է։
Կատարի պաշտպանության նախարարությունը նույնպես հայտնել է հրթիռային հարձակման մասին երկուշաբթի վաղ առավոտյան։
News.am
