Հյուսիսային Ատլանտիկայում առգրավված «Белла 1» («Маринера») նավի անձնակազմը կենթարկվի քրեական հետապնդման և անհրաժեշտության դեպքում կարող է դատարանի առաջ կանգնել, հայտարարել է Սպիտակ տան մամուլի քարտուղար Քերոլայն Լևիթը։
«Նավի և, համապատասխանաբար, դրա անձնակազմի կալանման հրամանագիր է արձակվել։ Սա նշանակում է, որ անձնակազմի անդամներն այժմ կենթարկվեն քրեական հետապնդման դաշնային օրենսդրության ցանկացած համապատասխան խախտման համար և, անհրաժեշտության դեպքում, կտեղափոխվեն Միացյալ Նահանգներ նման դատավարության համար»,- ասել է Լևիթը։
Ըստ Սպիտակ տան մամուլի քարտուղարի՝ «Белла 1»-ը պատկանում էր Վենեսուելայի «ստվերային նավատորմին» և հետապնդումից հետո առգրավվել է ԱՄՆ դաշնային դատարանի կալանման հրամանագրի հիմքով։ Լևիթը հավելել է, որ նավը պատժամիջոցների ենթարկված նավթ էր տեղափոխում։
News.am
