Վահե Աղասյանը (60 կգ) Եվրոպայի մինչև 23 տարեկանների ձյուդոյի չեմպիոնն է դարձել։
Քիշնևում կայացած մրցաշարում հայ ձյուդոիստը նախ հաղթել է Բուլղարիայի, Իսպանիայի, Մոլդովայի, Բելգիայի, իսկ եզրափակիչում Վրաստանի ներկայացուցչին` Մատե Գոգոբերիշվիլիին։
Նշենք, որ սա Հայաստանի պատմության մեջ երկրորդ ոսկե մեդալն է մինչև 23 տարեկանների Եվրոպայի առաջնությունում. առաջինը 2003 թվականին էր, երբ հաղթեց Արմեն Նազարյանը։
Ձյուդոյի մեծահասակների Եվրոպայի առաջնությունում Հայաստանը հաղթել է 2019 թվականին, երբ Ֆերդինանդ Կարապետյանը ոսկե մեդալ է նվաճել։
Հավելենք, որ ձյուդոյի երիտասարդների հավաքականը` գլխավոր մարզիչ Հովհաննես Դավթյանի ղեկավարությամբ, Մոլդովայում հոկտեմբերի 31-ից նոյեմբերի 1-ը մասնակցում է Մ-23 Եվրոպայի առաջնությանը։
Մրցաշարի առաջին օրը կմրցեն 60 կգ քաշային կարգը ներկայացնող Վահե Աղասյանը և Մարտին Բադալյանը, 66 կգ քաշային կարգում հանդես եկող Ժիրայր Համբարյանը և 73 կգ քաշային կարգում՝ Արտակ Թորոսյանը։
Մրցումների երկրորդ օրը հանդես կգա 100 կգ քաշային Գոռ Կարապետյանը։
Sputnik Արմենիա
