Նոր հասարակության ինստիտուտի տնօրեն, քաղաքագետ Վասիլի Կոլտաշովը Alpha News-ի հետ զրույցում մեկնաբանել է ՌԴ փոխարտգործնախարար Միխայիլ Գալուզինի հայտարարությունն այն մասին, որ ԱՊՀ երկրների հետ բարեկամական հարաբերությունների ամրապնդումը Ռուսաստանի արտաքին քաղաքականության առաջնահերթություններից է:
«Ռուսաստանը փորձում է ԱՊՀ երկրներին համոզել, որ չի կարելի տրվել Արևմուտքի ոչ մի ուղերձին և տնտեսական համագործակցությունը, տնտեսական օգուտները, առևտուրը, արտադրական կոոպերացիան փոխել պատերազմի, Ռուսաստանի դեմ տնտեսական պատերազմի մեջ մտնելու և միաժամանակ մեկ այլ տեսակի հակամարտության մղելու դիմաց, որի համար Լոնդոնը, Վաշինգտոնը և Բրյուսելը նույնպես պատրաստ են վճարել։
Այսօր մեր աչքերի առաջ Ղազախստանի սահմանին տեղի է ունենում դրամա, որտեղից ռուսական պատվերները չեն կարող անցնել սահմանը․ Ղազախաստանը դրանք չի թողնում, թեև ԵԱՏՄ անդամ է։ Մենք իրականում իրականացրել ենք տրանսպորտային հաշվառման և մաքսային ընթացակարգերի համակարգի ամբողջական բարեփոխում։ Մենք ունենք միացյալ համակարգ, բայց հիմա տեսնում ենք տնտեսական պայքար Ռուսաստանի նկատմամբ այն ձևաչափով, որն, օրինակ, Ղազախական իշխանությունները կիրառում են։
Ռուսաստանն ասում է, որ պետք չէ տրվել արևմտյան ուղերձներին, այլ պետք է համագործակցել և զարգացնել տնտեսությունը՝ ոչ մի դեպքում չխաղալով այդ տգեղ քաղաքական խաղերը, որովհետև դրանք կարող են հանգեցնել ծանր հետևանքների։ Դա վերաբերում է նաև Հայաստանին, քանի որ, ինչպես հայտնի է, Հայաստանի ներկայիս ղեկավարությունը հակառուսական է, և դա ոչ մեկի համար գաղտնիք չէ», — ասել է Կոլտաշովը։
Փորձագետը նշել է՝ Մոսկվան համոզված է, որ միայն ԱՊՀ երկրներում համագործակցությունն ու փոխադարձ հարգանքը կարող են ապահովել կայունություն, խաղաղություն և զարգացում:
