Տավուշի մարզի Կիրանց համայնքից արտագաղթ չկա։ Այսօր ԱԺ–ում լրագրողների հետ զրույցում ասաց Տավուշի մարզպետ Հայկ Ղալումյանը։ Նրա խոսքով` նոր տներ են կառուցվում։
«Այս պահին կոնկրետ պետական ծրագրով Կիրանց գյուղում 16 միլիոնի ծրագրով 53 տուն է կառուցվում»,– ասաց նա։
Հարցին` Կիրանցի դպրոցի մոտ ադրբեջանցիների տարանաջատող պատից հետո արդյոք ավելացել է աշակերտների քանակը, Դալումյանը հստակ պատասխան չտվեց։
«Կիրանցի դպրոցում այս պահին 37 աշակերտ է սովորում, 5 երեխա էլ նախակրթարան է հաճախում»,– առկա թվերը ներկայացրերց մարզպետը։
ԻՆչ վերաբերում է հարցին, թե Տավուշում ինչ տարածքների մասին են խոսում թիմակիցները, երբ ասում են, որ ՀՀ ԶՈւ–ն ադրբեջանական տարածքներ է վերահսկում, Հայկ Ղալումյանը պատասխանեց, թե այս հարցում որևէ գաղտնիք չկա։
«Դա լրիվ պարզ երևում է, լավ գիտեք, որ Ոսկեպարի հատվածում, Բերքաբերի հատվածում նման տարածքներ ունենք»,– ավելացրեց Հայկ Ղալումյանը։
Հիշեցնենք, որ իշխանության ներկայացուցիչները պարբերաբար հայտարարում են, որ ՀՀ ԶՈւ վերահսկողության տակ ադրբեջանական տարածքներ կա։ Այս տարվա օգոստոսին էլ ՀՀ վարչապետ Նիկոլ Փաշինյան ասել էր. «Նոր տրամաբանությունը այն է, որ ասելիս, որ Հայաստանի ինքնիշխան տարածքներ կան, որ այսօր գտնվում են ադրբեջանական վերահսկողության ներքո, պետք է ասենք նաև, որ կան Ադրբեջանի ինքնիշխան տարածքներ, որ գտնվում են մեր վերահսկողության ներքո, և փոխադարձ այս հարցը պիտի լուծում ստանա սահմանազատման գործընթացում»։
Sputnik Արմենիա
