2025 թ. 9 ամսվա ընթացքում ՀՀ պետական բյուջեն կատարվել է 79,9 մլրդ դրամ պակասուրդով։ Այս մասին այսօր ՀՀ ԱԺ ֆինանսավարկային և բյուջետային հարցերի մշտական հանձնաժողովի նիստի ժամանակ նշեց ՀՀ ֆինանսների նախարար Վահե Հովհաննիսյանը` ներկայացնելով 2025 թ. 9 ամսվա ընթացքում ՀՀ պետական բյուջեի կատարողականը։
Նախարարի խոսքով` բյուջեի պակասուրդը պայմանավորված է եղել եկամուտների գերակատարման և ծախսերի` համեմատաբար ցածր կատարողականով։
Ինչ վերաբերում է ՀՀ պետական պարտքին, ապա նրա խոսքով` դրամային արտահայտությամբ այն աճել է 6.7, իսկ ԱՄՆ դոլարային արտահայտությամբ` 10.5 տոկոսով։
Պետական պարտքի մեջ կառավարության պարտքն աճել է 7 տոկոսով, իսկ ՀՀ կենտրոնական բանկինը մնացել է անփոփոխ։ Հովհաննիսյանը նշեց, որ կառավարության պարտքի մարումը սփռված է մինչև 2054 թվականը։
Ի դեպ, 2024 թվականի նույն ժամանակահատվածի համեմատ 0.1 կետով աճել է պետական պարտքի տոկոսադրույքը։
Հիշեցնենք, որ այս տարվա սեպտեմբերի 22–ին ֆինանսների նախարար Վահե Հովհաննիսյանը նշել էր, որ ՀՀ պետական պարտքը 2025 թվականի առաջին կիսամյակում դրամային արտահայտությամբ աճել է 4,5, դոլարային արտահայտությամբ՝ 7,9 %-ով։
Sputnik Արմենիա
