2025 թ. երրորդ եռամսյակում Հայաստանի 1000 խոշոր հարկատուների ցանկը գլխավորում է «Մոբայլ Սենթր Արթը»՝ 52, 4 մլրդ դրամ մուտքով։ Երկրորդ տեղում «Գրանդ Տոբակո» ընկերությունն է՝ 45,9 մլրդ դրամ մուտքով։ Ցանկի երրորդ տեղում Զանգեզուրի պղնձամոլիբդենային կոմբինատն է ՝ 36,1 մլրդ դրամ մուտքով։
Խոշոր հարկատուների ցանկում չորրորդ հորիզոնականում «Գազպրոմ Արմենիա» ընկերությունն է` ավելի քան 34 մլրդ դրամ մուտքով։
Հինգերորդ հորիզոնականում «Արդշինբանկն» է՝ 31,8 մլրդ դրամի հարկային մուտքով, վեցերորդում «Ամերիաբանկը»՝ 24,9 մլրդ դրամի մուտքով։
Գրեթե միշտ «1000 խոշոր հարկատուների» ցանկը գլխավորող «Սի Փի Էս Էներջի Գրուպը» ցանկի յոթերորդ տեղում է՝ 19 մլրդ դրամի հարկային մուտքով, «Ինթերնեյշնլ Մասիս Տաբակը»` ութերորդում՝ 18,1 մլրդ դրամի մուտքով։
Իններորդ հորիզոնականում «Դիջիթեյն» ընկերությունն է` ավելի քան 16,7 մրդ դրամի հարկային մուտքով։
«1000 խոշոր հարկատուների» տասնյակը եզրափակում է «Սոֆթ կոնստրակտ» ընկերությունն է՝ ավելի քան 16,2 մլրդ դրամի մուտքով։
Նշենք, որ 1000 խոշոր հարկ վճարողների կողմից 2025 թվականի հունվար-սեպտեմբեր ամիսների ընթացքում պետական բյուջե ընդհանուր առմամբ վճարվել է ավելի քան 1 տրիլիոն 439 միլիարդ 339 միլիոն դրամ` 116 միլիարդ 133 միլիոն դրամով ավելի 2024 թվականի նույն ցուցանիշից։ Նախորդ տարվա ցուցանիշը 1 տրիլիոն 323 միլիարդ 206 միլիոն դրամ էր։
Sputnik Արմենիա
