2025 թվականի հոկտեմբերի դրությամբ Հայաստանում 54 417 մարդ աշխատանք է փնտրում։ Այս մասին հայտնում է Հայաստանի վիճակագրական կոմիտեն հիմնվելով Աշխատանքի և սոցիալական հարցերի նախարարությանը կից Միասնական սոցիալական ծառայության տվյալների հիման վրա։ 2024 թվականի հոկտեմբերի համեմատ այս թիվը նվազել է 4 824-ով։
Աշխատանք փնտրողներից 36 271-ը գործազուրկ են (3 558-ով պակաս, քան մեկ տարի առաջ)։ Ընդգծենք, որ երկու դեպքում էլ խոսքը սոցիալական ծառայությունում գրանցված քաղաքացիների մասին է։ Դիմում չներկայացնողները վիճակագրության մեջ չեն ներառվել։
2025 թվականի հոկտեմբերի դրությամբ ծառայությունում գրանցված թափուր աշխատատեղերի թիվը կազմել է 3 540, կամ 605-ով ավելի, քան մեկ տարի առաջ։
Ըստ այդմ, մեկ թափուր աշխատատեղին բաժին է ընկնում 15 աշխատանք փնտրող, 2024 թվականի 20-ի համեմատ: Թվում է, թե այս տվյալները չեն համընկնում թե՛ կառավարության, թե ՛ գործարար շրջանակների այն հայտարարությունների հետ, թե հանրապետությունում կան հազարավոր թափուր աշխատատեղեր տարբեր ոլորտներում (ՏՏ-ից մինչև շինարարություն) ։ Սակայն պետք է հաշվի առնել, որ այստեղ արտացոլվում են միայն այն աշխատանք փնտրողներն ու աշխատատեղերը, որոնք գրանցված են Միասնական սոցիալական ծառայությունում. բազմաթիվ գործատուներ իրենց թափուր աշխատատեղերը այդտեղ չեն գրանցում (այդպիսով մի կողմից ունենք հազարավոր թափուր աշխատատեղեր, մյուս կողմից` աշխատատեղերի սղություն)։
Գրեթե կրկնակի նվազել է զբաղվածության հարցերով խորհրդատվություն ստանալու համար Միասնական սոցիալական ծառայություն դիմած քաղաքացիների թիվը։ Հնարավոր է՝ նվազել է Լեռնային Ղարաբաղից բռնի տեղահանվածների դիմումների թիվը։
Sputnik Արմենիա
