2020-12-04 21:47
Гагик МКРТЧЯН
0
ՆԻԿՈԼԻ «ԲԵՍՊԻԼՈՏՆԻԿՆԵՐԸ»
Եկեք, սիրելի համաքաղաքացիներ, փորձենք այս անգամ հանգիստ թողնել դավաճան Նիկոլին, պետական մեկ հարկ վար իջնել, զննել ու հոտոտել օրերս իր նշանակած նախարարներին։
Թեև, եթե հետևենք հրեական հին անեկդոտի խորհուրդներին, Փաշինյանի նոր ծառաներին ավելի լավ է ոչ թե հոտոտել, այլ սովորեցնել տարրական բաներ, քանզի նրանք բավական ծանր տպավորություն են թողնում։ Փոքրիկ Իզյան տուն է վերադառնում դպրոցից, և ծնողները նրա օրագրում հայտնաբերում են ուսուցչի դիտողությունը. «Իզյայից վատ հոտ է գալիս։ Իզյային պետք է լողացնել»։ Հաջորդ օրը ուսուցիչը Իզյայի օրագրում կարդում է ծնողների պատասխանը. «Իզյային պետք չէ հոտոտել։ Իզյային պետք է սովորեցնել»։
Երբ մեկը մյուսի հետեվից իրենց պաշտոններից հեռացան Զոհրաբ Մնացականյանը, Ֆելիքս Ցոլակյանը, Արայիկ Հարությունյանը, Զարուհի Բաթոյանը և Դավիթ Տոնոյանը, ես, անկեղծ ասած, խուճապի մեջ ընկա։ Ո՞վ է փոխարինելու գալու այդ ատլանտներին։ Մեջքս պատվեց սառը քրտինքով, մարմնովս սարսուռի ալիքներ անցան, երբ հանկարծ պատկերացրեցի իշխանական բարձունքներ մագլցած պատահական մարդկանց։ Ինքնահոսի չե՞ն թողնի արդյոք Փաշինյանի գործը։ Չե՞ն տարվի Սահմանադրության պահպանումով։ Կարո՞ղ են արդյոք պահպանել նախորդների գերբարձր պրոֆեսիոնալ մակարդակը:
Դողացող ձեռքերով ձգվեցի դեպի լրահոսը՝ իմանալու, թե ովքե՞ր են: Բայց տեսա նորանշանակների ազգանունները, և սառը քրտինքը միանգամից չորացավ մեջքիս: Չէ, փա՜ռք Աստծո, ոչ մի նորարարություն։ Պատահական չէ, որ սրամիտ Աղվան Վարդանյանն անվանել է նրանց «բեսպիլոտնիկներ». այդ մարդկանց ներսում, այսինքն, մարդկային ոչինչ չկա, բայց պատճառած ավերածությունները կարող են լուրջ լինել։ Դեռ լավ է, որ աշխատելու են շատ կարճ ժամանակ։
Թիվ 1 «բեսպիլոտնիկ»։ Արտաքին գործերի նախարար Արա Այվազյան
Մինչև 2020 թվականի հոկտեմբերն Այվազյանի մասին առանձնապես ոչինչ հայտնի չէր։ Աշխատել է որպես Հայաստանի դեսպան Արգենտինայում և Ուրուգվայում, ներգրավված է եղել մի քանի սկանդալային պատմություններում, նրա գործունեությունը հարուցել է տեղի հայկական համայնքների սաստիկ դժգոհությունը։ Պատերազմի ամենաթեժ պահին անսպասելիորեն հետ կանչվեց դեսպանի պաշտոնից և նշանակվեց փոխնախարար, իսկ Զոհրաբ Մնացականյանի հրաժարականից հետո գլխավորեց ԱԳՆ-ը։
Արցախյան հիմնախնդրով չի զբաղվել և չունի այդ բարդագույն բանակցային գործընթացին մասնակցելու փորձ։ Այնինչ դեռևս մեր Ուսուցիչ Հիսուս Քրիստոսն է ասել. «Միթե կարո՞ղ է կույրը կույրին առաջնորդել. չէ՞ որ երկուսն էլ փոսը կընկնեն»։ Ինչպես հաղորդում են ԶԼՄ-ները, հիմնականում զբաղվում է Աննա Հակոբյանի զանգերի կազմակերպմամբ:
Զբաղեցնելով նախարարի պաշտոնը, Այվազյանը հաշված ժամերի ընթացքում հայտնի դարձավ անհեթեթագույն հայտարարությամբ, թե իբր՝ պատերազմում պարտվել են ոչ թե դիվանագետները, այլ զինվորականները: Սույն միտքն անմիջապես կպավ սրտիս, ինչպես դա սովորաբար անում է ցանկացած միտումնավոր զառանցանք։ Դա գնահատել է պետք։ Այդչափ զարմանալի մաքրության բարբաջանքն այնուամենայնիվ բավականին հազվադեպ երևույթ է: Տե՜ր Աստված։ Շնորհակալություն այն բանի համար, որ Քո բարեգթությամբ արարել ես մարդու, որն ունակ է հարապարակային, արյունոտ ինքնախարազանման, ինչն անում է զգաստացնող ինքնամոռացությամբ։
Թիվ 2 «բեսպիլոտնիկ»։ Պաշտպանության նախարար Վաղարշակ Հարությունյան
Քսան տարի առաջ պաշտպանության նախարարի պաշտոնը կարճ ժամանակահատվածով արդեն զբաղեցրած և անվայել պահվածքի համար երկրորդ նախագահ Ռոբերտ Քոչարյանի կողմից զինվորական կոչումներից ու պարգևներից զրկված Վաղարշակ Հարությունյանը, ինչպես հայտնի է, պատերազմի ընթացքում Փաշինյանի գլխավոր խորհրդականն էր, և թվում էր, թե պետք է գոնե ինչ-որ պատասխանատվություն կրի խայտառակ կապիտուլյացիայի համար։ Բայց ամենավճռական պահին, ինչպես Բուրատինոյի մասին հեքիաթի ծղրիդը, ձևացավ ոստիկ, անհետացավ՝ Հերբերտ Ուելսի գրքի հերոսի պես, իսկ հետո հանկարծ լույս ընկավ որպես մի ամբողջ նախարար։
Ասում են, որ կարիերայի այդչափ տպավորիչ ցատկ անելու հարցում նրան շատ է օգնել Անդրանիկ Քոչարյանը, որին պատահաբար հանդիպելիս պարկեշտ մարդիկ առնվազն թաքցնում են ձեռքերը թիկունքում և անցնում մայթը։ Ի դեպ, Վաղարշակ Հարությունյանը նաև վերջինիս խորհրդականն էր՝ Ապրիլյան պատերազմի հանգամանքները քննող խորհրդարանական հանձնաժողովում, ինչը շատ բանի մասին է վկայում։ Պատահական չէ, որ պաշտպանության նոր նախարարին անվանում են Անդրանիկ Քոչարյանի «թաշկինակ»։
Թիվ 3 «բեսպիլոտնիկ»: Էկոնոմիկայի նախարար Վահան Քերոբյան
Շնորհավորո՛ւմ եմ, համաքաղաքացիներ: Մեզանում հայտնվել է նոր մտածող։ Կյանքի փիլիսոփա, մարդաբան և ինչ-որ տեղ նույնիսկ հումանիստ։ «Իսկ ո՞վ է դա»,- կհարցնեք դուք՝ հասկանալի անհամբերությամբ։ Դե ինչ, չեմ տանջի ձեզ և անտեղյակ չեմ թողնի։ Դա, համաքաղաքացիներ, սննդի առաքման Menu.am ընկերության հիմնադիր, իսկ այժմ էկոնոմիկայի նախարար Վահան Քերոբյանն է։ Նստելով նախարարի աթոռին՝ Քերոբյանը տեղնուտեղը հայտարարեց, որ շուտով «մեզ համար կբացվի Ադրբեջանի շուկան, իսկ Հայաստանի շուկան կբացվի Ադրբեջանի համար»։
Դժվար է ասել, թե արդյոք դա հայտարարության հեղինակի ֆանտաստիկ միամտության, թե շինծու թուլամտության արգասիքն է։ Եթե սույն միտքը նախապես արտահայտած լիներ հոգեբույժի մոտ ընդունելության ժամանակ, ապա Վահան Քերոբյանն այժմ նստած չէր լինի նախարարի աշխատասենյակում, այլ նարդի կխաղար Նապոլեոնի հետ ու կժպտար սանիտարներին։ Բայց նա խուսափել է բժշկի հետ շփումից և դիմել Նիկոլին։ Արդյունքը հայտնի է։
Թիվ 4 «բեսպիլոտնիկ»։ Կրթության, գիտության, մշակույթի և սպորտի նախարար Վահրամ Դումանյան
Այսօր կառավարության անդամներ են մարդիկ, որոնք երկճեղքված լեզու ունեն և կաշին էլ նրանք փոխում են զարմանալի հեշտությամբ։ Նույն Դումանյանն իր նշանակումից ընդամենը երեք օր առաջ պատրաստել էր Փաշինյանի հրաժարականի պահանջով ԵՊՀ գիտխորհրդի հայտարարության այլընտրանքային տարբերակ, որտեղ ասվում էր «Մեր պետականության ճակատագիրը և ապագան էականորեն վտանգված են, ուստի Երևանի պետական համալսարանը կոչ է անում ձեռնարկել սահմանադրական բոլոր հնարավոր միջոցները՝ ընդհուպ ամբողջ կառավարության հրաժարականը, ինչպես նաև ողջամիտ ժամկետներում ՀՀ ԱԺ արտահերթ ընտրությունների կազմակերպումը»:
Իսկ այժմ Դումանյանը գովասանքի խոսքեր է հնչեցնում Փաշինյանի հասցեին ճիշտ այնպիսի եռանդով ու հանդգնությամբ, ինչպես սովորաբար հայհոյում են։ Այդ մեթոդը նոր չէ և նկարագրվել է դեռևս Շվարցի կողմից. «Դուք ինձ կներեք, Ձերդ մեծություն, ես շիտակ խոսող ու ազնիվ ծերունի եմ, բայց դուք հանճա՛ր եք»։ Սակայն Դումանյանը է՛լ ավելի հեռուն է գնում. թքե՛ք բոլոր նրանց աչքին, ովքեր ասում են, թե դուք հանճար եք։ Հեռո՛ւ քշեք այդ ողորմելի պնակալեզներին։ Դուք հանճար չեք։ (Դադար, խորը շունչ): Դուք աստվա՛ծ եք:
Թիվ 5 «բեսպիլոտնիկ»։ Արտակարգ իրավիճակների նախարար Անդրանիկ Փիլոյան
Գեներալ-մայոր Անդրանիկ Փիլոյանը 2018 թվականի հունիսի 18-ից եղել է 5-րդ բանակային կորպուսի հրամանատարը, որը պատերազմի ժամանակ ամբողջությամբ ջախջախվել է Ջաբրայիլում՝ կորցնելով գրեթե ողջ անձնակազմը և ահռելի քանակությամբ ռազմական տեխնիկա: Դրա համար Փաշինյանը գեներալին պարգևատրել է հերոսի կոչումով և նախարարի պաշտոնով։
Հարկ կա՞ էլի ինչ-որ բան ավելացնելու։ Ո՞չ։ Այդ դեպքում, ինչպես ասում են զինվորականները, կապն ավարտված է։
ПОСЛЕДНИЕ ОТ АВТОРА
-
2024-04-24 12:15Есть в психологии такой термин - "оборонное сознание". С военной точки зрения это индивидуальное и коллективное стремление обеспечить национальную безопасность, надежную защиту страны и граждан от агрессии врага. И в этом смысле люди и институты, решающие названные проблемы, чувствуют свою причастность к важному, конструктивному делу. Их сознание работает над конкретными ответами на реальные вызовы действительности.
-
2024-04-20 12:14Все прошедшие шесть лет Пашинян целенаправленно занимается созданием и укреплением мощного репрессивного аппарата. Перед этим аппаратом, состоящим из полиции, прокуратуры, СНБ, СК и других правоохранительных и силовых структур, поставлена задача обеспечения безопасности премьера и его окружения, а также подавление любого недовольства и протеста, жесткие репрессии против оппозиции и граждан. Впечатление такое, что от государства остался только карательный аппарат. Особенность власти Пашиняна заключается в том, что на внешние вызовы она реагирует внутренними репрессиями, и ими, собственно, ограничивается.
-
2024-04-18 09:58Обыкновенно мрачно настроенные граждане отмечают, что в Армении при Пашиняне господствуют то бордель, то казарма. Оптимистичные же в качестве приемлемого варианта называют и казарму, и бордель, причем одновременно. Давайте посмотрим, что зафиксировала международная правозащитная организация Freedom House в нашем казармоборделе.
-
2024-04-17 13:05Власть не в состоянии составить списки погибших в 44-дневной войне, но цинично предлагает "зафиксировать имена всех жертв" Геноцида армян в Османской Турции У Чапека есть пьеса "Белая болезнь". Там речь идет о недуге страшном, мучительном, обрекающем человека на гниение заживо. И абсолютно неизлечимом. Впечатление такое, что власть Пашиняна страдает этой болезнью и процесс гниения достиг последней стадии. Пашинян и его власть могут вызвать у нормальных людей в основном два чувства: веселое омерзение и тревожную гадливость. Чувства по смыслу мелкие, но редкой силы: возможно, в истории такого еще не было. Когда еще власть опускалась так низко во всех отношениях, выглядела столь антинациональной, предательской и подлой по отношению к собственной стране и народу и демонстративно бесстыжей? Приличия у нее отвалились, как гнилая штукатурка, растрескались, как грим, когда старая ведьма неосторожно расхохочется. Мы являемся свидетелями настоящего морального дефолта.
