Ընդդիմադիր փոխխոսնակի հարցին իշխանության միջամտելն իր սահմանադրական կարգավիճակից կտրուկ շեղում է․ Արամ Վարդևանյան
Ընդդիմադիր ուժի փոխխոսնակի հարցին իշխանության որևէ կերպ միջամտելը իր սահմանադրական կարգավիճակից կտրուկ շեղում է։ Այս մասին այսօր՝ հուլիսի 26-ին, NEWS.am-ի հետ զրույցում «Հայաստան» դաշինքի անդամ, փաստաբան Արամ Վարդևանյանը՝ անդրադառնալով ՔՊ-ից ընտրված պատգամավոր Ալեն Սիմոնյանի հայտարարությանը, որ ԱԺ ընդդիմադիր փոխխոսնակը ոչ թե պետք է լինի «Հայաստան», այլ «Պատիվ ունեմ» դաշինքից։
«Սահմանադրությունը նախատեսում է ընդդիմադիր խոսնակի պաշտոնի տրամաբանություն, և դա պատահական չէ։ Դա ենթադրում է առավել շատ ձայներ ստացած ուժին դրա վերագրումը։ Այդպես է նաև մեր քաղաքական մշակույթը զարգացել խորհրդարանում, որովհետև փոխխոսնակ ունենալու տրամաբանությունը զսպումների և հակակշիռների ապահովումն է։ Ընդդիմադիր ավելի մեծ ուժը, բնականաբար, այդ լծակների իրականացման հնարավորությունն ավելի պատշաճ է ունենում, քան ավելի քիչ ձայն ստացածը։ Սա սահմանադրական պահանջի իրացում է, որն ունի տրամաբանություն։ Փոխխոսնակի առաջադրումը ավելի շատ ձայներ ստացած ընդդիմադիր խմբակցությանն է, և այդպիսինն է սահմանադրության տրամաբանությունը։ Իշխանությունը չպետք է դա որոշի, որովհետև դրանով գործընթացը խաթարվում է»,- ասաց Արամ Վարդևանյանը։
Արամ Վարդևանյանը բնական համարեց ընդդիմադիր ուժերի միջեւ խորհրդակցությունները, բայց առանց իշխող խմբակցության ուղղորդումների։
«Այդ կոնսուլտացիաների մեջ իշխանական մասնակցություն առհասարակ չի կարող լինել։ Այսինքն իշխանությո՞ւնը պետք է որոշի՝ ովքեր իրենց զսպեն և հակակշռեն։ Իշխանությունն առհասարակ պետք է չանդրադառնա այդ թեմային»,- նշեց Վարդևանյանը։
Արամ Վարդևանյանի խոսքով՝ Սահմանադրությունը չի նախատեսում, որ 3 փոխխոսնակներից 2-ը պարտադիր պետք է լինեն իշխանությունից։
«Սահմանադրությունը նախատեսում է, որ մեկը պետք է լինի ընդդիմությունից, բայց դա էլ չի նշանակում, որ պարտադիր մյուս երկուսը պետք է լինեն իշխանությունից»,- պարզաբանեց Արամ Վարդևանյանը։
Հիշեցնենք, որ ավելի վաղ էլ «Հայրենիք» կուսակցության մամուլի խոսնակ Սոս Հակոբյանը մեզ հետ զրույցում նշեց, որ կառաջադրի «Պատիվ ունեմ» դաշինքը փոխխոսնակի թեկնածու, թե՝ ոչ, կախված է ընդդիմադիր երկու ուժերի խորհրդակցությունների արդյունքից։
News.am
ПОСЛЕДНИЕ ОТ АВТОРА
-
2024-03-28 20:00
Ситуация в отношениях Армении и России не вселяет оптимизма из-за позиции армянского руководства, которое сознательно рушит отношения с РФ. Об этом 28 марта заявил министр иностранных дел России Сергей Лавров в интервью «Известиям».
-
2024-03-28 19:30
Председатель общественной организации «Гражданское сознание», основатель сайта AntiFake.am, политзаключенный Нарек Самсонян из УИУ «Армавир» направил открытое письмо-вопрос послу США в Армении Кристине Куинн, полный текст которого мы приводим ниже:
-
2024-03-28 19:28
Члены комитета по безопасности и политическим вопросам Совета Европы посетят с рабочим визитом Армению, сообщает "Арменпресс".
-
2024-03-28 19:26
Франции есть что предпринять в вопросе укрепления обороноспособности и суверенитета Армении. Об этом заявила в интервью «Арменпресс» руководитель парламентской группы дружбы Франция-Армения Национального Собрания Франции Анн-Лоранс Петель.