Последние новости

«Վերին Լարսում» իրավիճակը կայունացել է․ Հյուսիսային Օսիա-Ալանիայի ղեկավար

«Վերին Լարսում» իրավիճակը կայունացել է։ Այս մասին հայտարարել է Հյուսիսային Օսիա-Ալանիայի ղեկավար Սերգեյ Մենյայլոն։

«Մաքսային ծառայության տրամադրած տվյալների համաձայն՝ անցակետի մուտքի մոտ իրավիճակը հանգիստ է։

Մեքենաների շարքն այսօր 2580 միավոր է, ինչը մոտ հազար միավորով պակաս է, քան, օրինակ, երեք օր առաջ։ Եվ մենք շարունակում ենք աշխատել սպասող մեքենաների թիվը նվազագույնի հասցնելու ուղղությամբ։

Հարևան պետության տարածքում գտնվող անցակետում որոշակի դժվարություններ կան։ եթե այնտեղ աշխատանքներն ավելի արագ կատարվեին, ապա մեր կողմից, համապատասխանաբար, հերթն ավելի արագ կկրճատվեր։

Իրավապահ մարմինների և արտակարգ իրավիճակների ծառայության աշխատակիցները շարունակում են աշխատել ուժեղացված ռեժիմով, տարածքի սանիտարական մաքրումը շարունակվում է։

Ինչպես նախկինում, զորակոչի տարիքից բոլոր դուրս եկածները ստուգվում են հավաքագրման կետում աշխատող օպերատիվ խմբի անդամների կողմից։ Մասնակի մոբիլիզացման ենթակա Ռուսաստանի Դաշնության քաղաքացիներին տրվում են ծանուցումներ և բացատրում Ռուսաստանի Դաշնության համապատասխան օրենքի նորմերը:

Բարձր զգոնության ռեժիմը պահպանվում է»,-ասել է Մենյայլոն։

News.am

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ