2023-07-06 11:43
Информагентства
Ադրբեջանը կրկին խեղաթյուրում է իրականությունը` օգտագործելով միջազգային հարթակները. ԱԳՆ
Հերթական անգամ Ադրբեջանն օգտագործել է միջազգային հարթակը` Լեռնային Ղարաբաղի հակամարտության էությունը խեղաթյուրելու համար։ ՀՀ ԱԳ նախարարի մամուլի խոսնակ Անի Բադալյանը Twitter–ի իր միկրոբլոգում արձագանքել է Չմիավորման շարժման գագաթնաժողովում Ադրբեջանի նախագահ Իլհամ Ալիևի հայտարարություններին։
«Մենք տեսնում ենք, թե ինչպես է Ադրբեջանն օգտագործում Չմիավորման շարժման պլատֆորմը և իր նախագահությունը ագրեսիվ և հակահայկական հայտարարությունների համար, այդ թվում՝ խեղաթյուրելով Լեռնային Ղարաբաղի հակամարտության պատճառներն ու էությունը: Դա խախտում է ինչպես Չմիավորման շարժման սկզբունքները, այնպես էլ միջազգային օրենսդրությունը և միջազգային ինստիտուտի որոշումները»,– գրել է ԱԳՆ խոսնակը։
Նա հավելել է, որ Ադրբեջանի կողմից դա փորձ է շեղել Չմիավորման շարժման անդամների ուշադրությունը Ադրբեջանի կողմից Միջազգային մարդասիրական իրավունքի կոպիտ խախտումներից, ներառյալ` արդեն 7 ամիս շարունակվող Լաչինի միջանցքի շրջափակման խնդրից։
«Մենք կոչ ենք անում Չմիավորման շարժմանը մերժել նման փորձերը և աջակցել Հարավային Կովկասում կայունության ամրապնդմանն ուղղված իրական ջանքերին»,– ընդգծել է Բադալյանը:
Նշենք, որ այսօր Բաքվում Ադրբեջանի նախագահությամբ անցկացված գագաթնաժողովում Ալիևը հերթական անգամ խեղաթյուրել էր պատմական փաստերը, այդ թվում` Հայաստանին մեղադրելով Խոջալուի ցեղասպանությունն իրականացնելու, 30 տարի շարունակ Ադրբեջանի տարածքի շուրջ 20 տոկոսն օկուպացնելու, Լեռնային Ղարաբաղում էկոլոգիական և մշակութային ցեղասպանություն իրականացնելու մեջ։ Ալիևն ավելի առաջ էր գնացել և նշել էր, որ 2020 թվականի պատերազմից հետո էլ Հայաստանը շարունակում էր ականապատել Ադրբեջանի տարածքը (նկատի ունենալով` Լեռնային Ղարաբաղը)։ Ըստ Ալիևի` ականապատումն ադրբեջանական կողմը կարողացավ դադարեցնել միայն Լաչինի միջանցքում հսկիչ անցակետ տեղադրելուց հետո։
Չմիավորման շարժումը 120 զարգացող երկրների ֆորում է, որտեղ պետությունները վարում են ռազմաքաղաքական խմբավորումներին չմասնակցելու արտաքին քաղաքականություն։ Այս տարվա մարտին հայտնի դարձավ, որ որոշում է կայացվել ևս մեկ տարով երկարաձգելու Չմիավորման շարժման կազմակերպությունում Ադրբեջանի նախագահությունը` մինչև 2023 թվականի տարեվերջ։
ПОСЛЕДНИЕ ОТ АВТОРА
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.