Կայուն, բայց ծանր. Թորոսյանը խոսեց Հայաստանում կորոնավիրուսային իրավիճակից
Այսօր կառավարության հերթական նիստում ՀՀ առողջապահության նախարար Արսեն Թորոսյանն ասաց, որ արդեն մի քանի օր է` հոսպիտալացման իր հերթին սպասող ՀՀ քաղաքացի չկա:
«Նաև շատ փոքր թիվ ունենք այն քաղաքացիների, որոնց մոտ հաստատվել է կորոնավիրուսային հիվանդությունը և նրանք պետք է տեղափոխվեն միայն կորոնավիրուսով զբաղվող հիվանդանոցներ: Նրանց թիվն առավոտյան 13 էր և օրվա ընթացքում տատանվում է այդ թվի շուրջ: Այս թվերը նշանակում են, որ բուժօգնության կարիք ունեցողներին այդ օգնությունը մատուցվում է, համակարգի ծանրաբեռնվածությունը մնում է լարված այնքանով, որ այս նոր մարտահրավերը դեռ նոր ռիսկ է պարունակում բոլորիս համար, և մենք պետք է շարունակենք բոլոր հիվանդանոցների ինտենսիվ աշխատանքը: Նոր ծավալումներ դեռ լինելու են մոտակա շաբաթներին ու ամիսներին: Բայց արձանագրենք, որ վիճակը մնում է կայուն, բայց ծանր»,- ասաց Թորոսյանը:
ՀՀ վարչապետ Նիկոլ Փաշինյանն էլ ընդգծեց, որ ոչ ոք չի կարող վստահ լինել, որ վաղը վիճակը նույնքան կայուն կլինի ու նեգատիվ զարգացումներ տեղի չեն ունենա:
Փաշինյանը շեշտեց, որ արդեն բացված նոր բուժհիմնարկներին առաջիկայում կավելանան կորոնավիրուսային նոր բաժանմունքներ «Էրեբունի», «Սբ. Գրիգոր Լուսավորիչ» ԲԿ-ներում:
Արսեն Թորոսյանը հավելեց, որ «Էրեբունի» ԲԿ-ի նոր բաժանմունքը գրեթե պատրաստ է ու կբացվի արդեն հաջորդ շաբաթ, իսկ «Սբ. Գրիգոր Լուսավորիչ» ԲԿ-ում լայնածավալ շինարարություն է մեկնարկել, որը կավարտվի մոտավորապես աշնան սկզբին:
Նրա խոսքով` աշնանն աշխարհում կորոնավիրուսի նոր՝ ավելի հուժկու ալիք է սպասվում, և նոր հիվանդանոցը պատրաստ կլինի հենց այդ նոր ալիքին ընդառաջ։
ПОСЛЕДНИЕ ОТ АВТОРА
-
2024-04-25 14:58
Россия считала вопрос статуса Нагорного Карабаха неурегулированным, но Армения в Праге признала его территорией Азербайджана, сказала в ходе еженедельного брифинга официальный представитель МИД РФ Мария Захарова.
-
2024-04-25 14:56
Инициатива Ваагна Чахаляна "Камк" проводит акцию протеста у здания правительства Армении с требованием положить конец политике уступок и не сдавать территории в Тавуше.
-
2024-04-25 14:54
В ходе акций протеста в Ереване по состоянию на 14։00 подвергнуто приводу 29 человек. Об этом сообщили Sputnik Армения в пресс-службе полиции.
-
2024-04-25 14:51
Депутат парламента Армении от оппозиционной фракции "Айастан" Гарник Даниелян, находящийся в Баграташене Тавушской области, потерял сознание во время акции протеста. Видео опубликовано в соцсети парламентария.