Վալանսի քաղաքապետ. Մենք շատ անհանգստացած ենք մեր հայ բաեկամների վիճակով
Վերջին օրերի իրականությունը մեզ ստիպում է հավատալ, որ Բաքուն ընտրել է ղարաբաղյան հիմնախնդիրը լուծելու ռազմական տարբերակը՝ բացահայտորեն հարձակվելով Հայաստանի վրա: Այս մասին հայտարարել է Ֆրանսիայի Վալանս քաղաքի ղեկավար Նիկոլաս Դարագոնը:
«Հուլիսի 12-ից Ադրբեջանը հարձակում է սկսել հայկական տարածքի վրա՝ Հայաստանի հյուսիս-արևելքում գտնվող Տավուշի սահմանամերձ շրջանում: Մեզ շատ է անհանգստացնում մեր հայ բարեկամների և հատկապես մեր քույր-քաղաք Իջևանի վիճակը:
Այս տարածաշրջանում, որը իսկական վառոդի տակառ է՝ ենթակա ղարաբաղյան հակամարտության խաղաղ կարգավորման շուրջ խաղաղ բանակցությունների քմահաճույքներին, ցանկացած ուժային գործողություն կարող է բոլորին քաոսի մեջ գցել:
Ինչպես հայ, այնպես էլ ադրբեջանցի զինծառայողների մահվան դեպքերին ավելանում են խաղաղ բնակչության տառապանքները՝ Չինարի, Մովսես հայկական գյուղերի և նույնիսկ Բերդ քաղաքի ռմբակոծությունների հետևանքով:
Իջևանը՝ մեր քույր-քաղաքը, Տավուշի գլխավոր քաղաքն է: Մենք անհանգստացած ենք նրա բնակչության վիճակով: Մենք ցանկանում ենք նրան հայտնել մեր լիակատար աջակցությունը:
Մի քանի օր առաջ Ադրբեջանի նախագահ Իլհամ Ալիևը խոսեց պատերազմի մասին՝ Լեռնային Ղարաբաղի հակամարտության կարգավորման համատեքստում: Վերջին օրերի իրականությունը մեզ ստիպում է հավատալ, որ Բաքուն ընտրել է հակամարտությունը լուծելու ռազմական տարբերակը՝ բացահայտ հարձակվելով Հայաստանի վրա:
Ես վճռականորեն դատապարտում եմ Հայաստանի դեմ Ադրբեջանի ագրեսիան և միջազգային օրենսդրությամբ սահմանված ու ճանաչված սահմանների խախտումը, ինչը մի գործողություն է, որը պետք է դատապարտվի:
Հուսով եմ, որ մեր ազգային իշխանությունները կպահանջեն, որ Բաքուն դադարեցնի իր ռազմական գործողությունները Հայաստանի դեմ, և հուսով եմ, որ միջազգային հանրությունը վճռականորեն դեմ կարտահայտվի այդ ագրեսիային, որը կարող է խաթարել Հարավային Կովկասի տարածաշրջանում անկայուն հավասարակշռությունը:
Հիշեցնում եմ, որ ֆրանսախոս երկրների վերջին միջազգային գագաթաժողովը տեղի է ունեցել Հայաստանում, և սա մի երկիր է, որի հետ Ֆրանսիան պատմականորեն ունեցել է առավել սերտ կապեր: Մեր երկրի անգործությունը ագրեսիայի հանդեպ հանդուրժողականության անընդունելի ազդանշան կլիներ», տեղեկացնում է News.am-ը:
ПОСЛЕДНИЕ ОТ АВТОРА
-
2024-04-19 19:27
Причина нынешней хрупкости безопасности и угрожающей риторики связана с дисбалансом сил в регионе. Мы твердо убеждены, что в регионе Южного Кавказа должен быть установлен баланс сил. Об этом во время международного экспертного форума «Воротан» 19 апреля заявил Чрезвычайный и полномочный посол Ирана в Армении Мехди Собхани.
-
2024-04-19 19:13
Опубликованный азербайджанскими СМИ документ касательно трехсторонней встречи Армения-ЕС-США в Брюсселе 5 апреля не имеет ничего общего с реальностью, заявил спикер Службы внешних связей и политики безопасности ЕС Питер Стано.
-
2024-04-19 19:10
Начавшийся несколько дней назад процесс вывода российских миротворческих войск с оккупированной Азербайджаном территории Арцаха вызывает тревогу 150 000 арцахцев, которые несколько месяцев назад под реальной угрозой геноцида были вынуждены покинуть свою Родину. Об этом говорится в заявлении, распространенном тремя фракциями парламента Арцаха.
-
2024-04-19 19:10
Главы МИД стран G7 на встрече в Италии выступили с заявлением в адрес Армении и Азербайджана с призывом сохранять полную приверженность мирному процессу.