2020-10-02 13:41
Информагентства
0
ԵՄ-ն պատժամիջոցներ չի կիրառել Թուրքայի դեմ
Եվրոպական խորհուրդը խստորեն դատապարտում է Կիպրոսի Հանրապետության ինքնիշխան իրավունքների խախտումները, որոնք պետք է դադադրեցվեն: Այս մասին ասվում է ԵՄ երկրների առաջնորդի հայտարարության մեջ:
«Եվրոպական խորհուրդը կոչ է անում Թուրքիային հետագայում զերծ մնալ նման գործողություններից: Եվրոպական խորհուրդը շեշտում է, որ մայրցամաքային ջրերի և բացառիկ տնտեսական գոտու սահմանազատման հարցը պետք է լուծվի բարեխիղճ երկխոսության և բանակցությունների միջոցով` միջազգային իրավունքի լիակատար պահպանմամբ, և կոչ է անում Թուրքիային ընդունել Կիպրոսի երկխոսության հրավերը` Թուրքիայի և Կիպրոսի միջև բոլոր ծովային վեճերը կարգավորելու համար:
Եվրոպական խորհուրդը սատարում է ՄԱԿ-ի հովանու ներքո բանակցությունների շուտափույթ վերսկսմանը և լիովին հավատարիմ է Կիպրոսի խնդրի համապարփակ կարգավորմանը ՄԱԿ-ի շրջանակներում և ՄԱԿ-ի Անվտանգության խորհրդի համապատասխան բանաձևերի շրջանակներում: Նույնը նա ակնկալում է Թուրքիայից: ԵՄ-ն պատրաստ է ակտիվ դեր ունենալ բանակցություններին աջակցելու գործում:
Հունաստանի և Կիպրոսի դեմ անօրինական գործողությունների զսպմանն ուղղված կառուցողական ջանքերի պայմանով Եվրոպական խորհուրդը համաձայնել է դրական քաղաքական օրակարգ սկսել ԵՄ և Թուրքիայի միջև` մասնավորապես շեշտը դնելով Մաքսային միության արդիականացման և առևտրի դյուրացման, մարդկանց միջև շփումների, բարձր մակարդակի երկխոսությունների, միգրացիայի խնդիրների շուրջ համագործակցության շարունակման վրա` ԵՄ-Թուրքիա 2016 թվականի հայտարարությանը համահունչ:
Եվրոպական խորհուրդը, Եվրահանձնաժողովի ղեկավարի հետ համագործակցությամբ և Բարձր ներկայացուցչի աջակցությամբ, իր նախագահին հրավիրում է առաջարկ մշակել այդ ուղղությամբ ԵՄ-Թուրքիա օրակարգի ակտիվացման համար:
Թուրքիայի կողմից միջազգային իրավունքի խախտմամբ միակողմանի գործողությունների կամ սադրանքների վերսկսման դեպքում ԵՄ-ն կօգտագործի իր տրամադրության տակ եղած բոլոր գործիքներն ու հնարավորությունները` իր և անդամ երկրների շահերը պաշտպանելու համար:
Եվրոպական խորհուրդը կշարունակի ուշադիր հետևել իրադարձությունների զարգացմանը և, համապատասխանաբար, կվերադառնա և համապատասխան որոշումներ կընդունի իր դեկտեմբերյան նիստից ոչ ուշ»,- նշվում է հայտարարության մեջ, տեղեկացնում է News.am-ը։
ПОСЛЕДНИЕ ОТ АВТОРА
-
New2024-04-23 22:40Отстранить Никола Пашиняна от власти реально, самый правильный и доступный путь – выразить ему недоверие. Об этом сообщил третий президент Республики Армения, глава Республиканской партии Армении Серж Саргсян, который вместе со своими сторонниками участвует в традиционном факельном шествии.
-
2024-04-23 19:42Тюрколог, кандидат исторических наук Варужан Гегамян предупредил об угрозе процессу международного признания Геноцида армян и диаспоре.
-
2024-04-23 19:29C площади Республики Еревана стартует традиционное факельное шествие, посвященное 109-й годовщине Геноцида армян в Османской Турции.
-
2024-04-23 19:12Граждане во главе с предстоятелем Тавушской епархии ААЦ, архиепископом Багратом Галстаняном пытаются перекрыть дорогу, ведущую от Айрума к КПП Баграташена. Однако находящиеся там многочисленные полицейские силы не позволяют этого.
