2020-11-03 18:07
Информагентства
0
Հայաստանը ՄԻԵԴ–ին արցախյան պատերազմում Թուրքիայի ներգրավվածության փաստեր է ներկայացրել
Հայաստանի Հանրապետությունը Մարդու իրավունքների եվրոպական դատարան է ներկայացրել լրացուցիչ ապացույցներ, որոնք հիմնավորում են Թուրքիայի` արցախյան պատերազմում ներգրավվածությունը։ Այս մասին տեղեկացնում է ՄԻԵԴ-ում ՀՀ ներկայացուցչի ֆեյսբուքյան էջը։
«Հայաստանի Հանրապետությունը ՄԻԵԴ է ներկայացրել լրացուցիչ ապացույցներ, որոնք հիմնավորում են Թուրքիայի կողմից Եվրոպական Դատարանի 39-րդ կանոնի համաձայն անհապաղ միջոցներ կիրառելու մասին 2020 թվականի հոկտեմբերի 6-ի որոշումը չկատարելը: Կառավարությունը դատարանին տեղեկացրել է Լեռնային Ղարաբաղի հակամարտությունում Թուրքիայի շարունակական, ուղղակի և անուղղակի ներգրավման մասին», – ասվում է հաղորդագրության մեջ։
Ապացույցներ են ներկայացվել Լեռնային Ղարաբաղի հակամարտությունում սիրիացի վարձկանների ներգրավման վերաբերյալ, որոնք Ադրբեջան են տեղափոխվել ու տեղակայվել թուրքական ուժերի կողմից: Միևնույն ժամանակ, Թուրքիան շարունակում է իր ներգրավվածությունը՝ հակամարտության մեջ Ադրբեջանին օգնելու պատրաստակամության անթաքույց հայտարարություններով:
Դատարանին ներկայացված ապացույցների մեջ կան նաև օտարերկրյա պետությունների բարձրաստիճան պաշտոնատար անձանց հայտարարություններ։
Արցախի դեմ սանձազերծած պատերազմի առաջին իսկ օրերից հայտնի դարձավ, որ Թուրքիան Սիրիայի հյուսիսից վարձկաններ է ուղարկել Ադրբեջան՝ Արցախի ու Հայաստանի դեմ օգտագործելու նպատակով։ Այս տեղեկությունները հաստատել էր նաև ՌԴ Արտաքին հետախուզական ծառայության պետ Սերգեյ Նարիշկինը:
ՌԻԱ Նովոստին էլ տեղեկացրել է, որ հոկտեմբերի 16-ին ավելի քան 1000 գրոհային է տեղափոխվել ղարաբաղյան հակամարտության գոտի։
Հայտնի է, որ սիրիացի ահաբեկիչներին 1,5-2 հազար դոլար են խոստանում ռազմական գործողություններին 1 ամիս մասնակցելու համար։ Այս տեղեկությունը հաստատել են ոչ միայն հայաստանյան և ղարաբաղյան իշխանությունները, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչներ, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2024-04-23 11:08Правительство Армении во главе с премьер-министром Николом Пашиняном официально обязалось передать в ближайшее время Азербайджану территории, затребованные Баку на севере Армении. Вооруженные силы соседнего государства без каких-либо усилий займут позиции, позволяющие им контролировать северные области у армяно-грузинской границы.
-
New2024-04-23 11:03В действиях властей Армении относительно шагов по передаче Азербайджану четырех сел очевидны противоправные действия. Подобную точку зрения EADaily выразил политолог Айк Нагапетян.
-
New2024-04-23 10:58Владимир Путин 22 апреля провел переговоры с Ильхамом Алиевым — президент Азербайджана прибыл в Москву с рабочим визитом. Последний раз он был в российской столице почти год назад — в мае 2023-го на трехсторонних переговорах по урегулированию карабахского конфликта.
-
New2024-04-23 10:50Полковника запаса Миграна Махсудяна, участвующего в борьбе против сдачи территорий в Тавуше, вызвали в Следственный комитет. Об этом он сообщил в беседе с корреспондентом Sputnik Армения.
