Ազատ գյուղի տարածքում տեղակայված ինժեներասակրավորային վաշտի կացարանում բռնկված հրդեհի հետևանքով զորամասի վեց պարտադիր ժամկետային զինծառայողներ և մեկ սպա մարմնական վնասվածքներով, ժամը 02:00-ի սահմաններում, տեղափոխվել են Գեղարքունիքի կայազորային հոսպիտալ: Այս մասին հաղորդագրություն է տարածել Գլխավոր դատախազությունը։

Արցախի Հանրապետության պետական նախարար Ռուբեն Վարդանյանը ցավակցել է Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհոված զինծառայողների ընտանիքներին։

Զորամասում հրդեհի համար պատասխանատվություն են կրում անձինք, ովքեր պատասխանատու են եղել հակահրդեհային անվտանգության հետ կապված միջոցառումների անցկացման համար: Այս մասին հունվարի 19-ին ԱԺ ավանդական ճեպազրույցների ժամանակ հայտարարեց «Հայաստան» խմբակցության ղեկավար, պաշտպանության նախկին նախարար Սեյրան Օհանյանը։

ՀՀ կառավարության անդամներն այսօրվա նիստը սկսեցին` մեկ րոպե լռությամբ հարգելով Գեղարքունիքի մարզում, զորամասի կացարանում հրդեհի հետևանքով զոհված զինծառայողների հիշատակը։

Կարմիր խաչի միջազգային կոմիտեն Լեռնային Ղարաբաղից Հայաստան է տեղափոխել ևս երկու հիվանդի։ Տեղեկությունը Sputnik Արմենիային հայտնեց Հայաստանում Կարմիր խաչի միջազգային կոմիտեի հայաստանյան գրասենյակի հաղորդակցման և կանխարգելման ծրագրերի ղեկավար Զառա Ամատունին։

ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով վիրավորում ստացած 3 զինծառայողների վիճակը շարունակում է մնալ ծանր։ Այս մասին NEWS.am-ը տեղեկանում է ՊՆ մամուլի քարտուղար Արամ Թորոսյանից։

ՀԱՊԿ գլխավոր քարտուղար Իմանղալի Թասմաղամբետովը թելեգրամյան ալիքում ցավակցություն է հայտնել Հայաստանի վարչապետ Նիկոլ Փաշինյանին՝ հունվարի 19-ի գիշերը հրդեհի հետևանքով 15 հայ զինծառայողի ողբերգական մահվան կապակցությամբ։

ՀՀ ՊՆ զորամասերից մեկի ինժիներասակրավորային վաշտերից մեկում բռնկված հրդեհի առնչությամբ կա նախնական վարկած, որ հրդեհը տեղի է ունեցել ջեռուցման հետ կապված հարցում անվտանգության կանոների խախտման պատճառով։ Կառավարության նիստի մեկնարկից առաջ այս մասին ասաց ՀՀ ՔԿ ղեկավար Արգիշտի Քյարամյանը։

ԱՄՆ Կոնգրեսի հայկական հարցերով հանձնախմբի համանախագահները նախագահ Ջո Բայդենի ադմինիստրացիային կոչ են արել առավելագույն ճնշում գործադրել Ադրբեջանի նախագահ Իլհամ Ալիևի վրա, որպեսզի վերջ դրվի Արցախի շրջափակմանը, քանի դեռ ներկա ճգնաժամն այնտեղ աղետալի չի դարձել: «Արմենպրես»-ի փոխանցմամբ՝ այս մասին հայտնում է ԱՄՆ Հայ դատի հանձնախումբը: