Իրանի Իսլամական Հանրապետության մայրաքաղաք Թեհրանը և Երևանը հռչակվեցին քույր քաղաքներ։ Տեղեկությունը հայտնում է Երևանի քաղաքապետ Հրաչյա Սարգսյանը։

ՌԴ խաղաղապահները հրապարակել են արցախցի երեխաներին Գորիսից Ստեփանակերտ տեղափոխելու կադրերը։  

Հայաստանն արդեն 1 ամիս է՝ սպասում է խաղաղության պայմանագրի նախագծի շուրջ Ադրբեջանին ուղարկված առաջարկությունների արձագանքին։ Այս մասին այսօր ԱԺ–ում պատգամավորների հետ հարցուպատասխանի ժամանակ հայտնեց ՀՀ ԱԳ նախարար Արարատ Միրզոյանը։

Թուրքիայի նախագահ Ռեջեփ Էրդողանը դժգոհել է Bayraktar անօդաչուների քննադատությունից՝ դրանում մեղադրելով «հակաթուրքական շրջանակներին», որոնք ցանկանում են «նսեմացնել երկրի ձեռքբերումների նշանակությունը»։

Ավստրիայի արտգործնախարար Ալեքսանդր Շալենբերգը կոչ է արել Ադրբեջանին ապաշրջափակել Լաչինի միջանցքը։ Այս մասին նա գրել է Twitter-ի իր էջում՝ Վիեննայում իր հայ գործընկեր Արարատ Միրզոյանի հետ հանդիպումից հետո։

ՀՀ ՄԻՊ–ը փաստագրել և երեխայի իրավունքներով զբաղվող միջազգային կազմակերպություններին, ՄԱԿ մոնիթորինգային մարմիններին ու հատուկ մանդատակիրներին է ներկայացրել երեկ ռուս խաղաղապահ առաքելության միջոցով Հայաստանից Արցախ 19 երեխայի տեղափոխող տրանսպորտային միջոց ադրբեջանցի կեղծ ակտիվիստների կողմից ներխուժելու և երեխաներին հոգեբանական բռնության ենթարկելու դեպքի տվյալները։ Տեղեկությունը հայտնում է ՀՀ ՄԻՊ Քրիստինե Գրիգորյանը իր ֆեյսբուքյան էջում։

Հայաստանի ու Թուրքիայի միջև օդային բեռնափոխադրումների արգելքի վերացումը ՀՀ ԱԳ նախարար Արարատ Միրզոյանը դրական քայլ է համարում։ Այս մասին նախարար Միրզոյանը հայտնեց այսօր ԱԺ–ում պատգամավորների հետ հարցուպատասխանի ժամանակ։

Դատավոր Արուսյակ Ալեքսանյանը կշարունակի մնալ կալանքի տակ։ Տեղեկությունը հայտնում է Sputnik Արմենիայի աղբյուրը։

Արցախի Հանրապետության պետական նախարար, օպերատիվ շտաբի պետ Ռուբեն Վարդանյանն այսօր ընդլայնված խորհրդակցություն է հրավիրել՝ պետական մարմինների ղեկավար կազմի մասնակցությամբ: Այս մասին հաղորդում է պետնախարարի աշխատակազմը։