Անհայտ անձինք կրակ են բացել Իրանի հարավարևմտյան Խուզեստան նահանգի Իզեհ քաղաքի շուկայում։

Հայաստանն ու Ադրբեջանը երկարաժամկետ խաղաղություն հաստատելու պատմական հնարավորություն ունեն։ Այս մասին հայտարարել է ԱՄՆ պետքարտուղարի Եվրոպայի և Եվրասիայի հարցերով օգնական Կարին Դոնֆրիդը՝ ելույթ ունենալով Սենատի արտաքին հարաբերությունների հանձնաժողովում լսումների ժամանակ։

Կովկասում բանակցությունների գծով ԱՄՆ պետքարտուղարի խորհրդական, ԵԱՀԿ Մինսկի խմբի համանախագահ Ֆիլիպ Ռիկերը պնդում է, որ 2020 թվականի 44-օրյա պատերազմի ընթացքում Արցախի դեմ ագրեսիայի ժամանակ Ադրբեջանի կողմից ֆոսֆորային ռումբերի կիրառման մասին հաղորդումներ չի տեսել։

ԵԱՀԿ Մինսկի խմբի մեխանիզմն այլևս չի գործում։ ԱՄՆ սենատում կազմակերպված «Կովկասում ԱՄՆ քաղաքականության գնահատականները» քննարկման ժամանակ այս մասին ասել է ԵԱՀԿ Մինսկի խմբի ԱՄՆ համանախագահ, Կովկասյան բանակցությունների հարցերով ավագ խորհրդական Ֆիլիպ Ռիքերը։

ՀՀԿ փոխնախագահ Արմեն Աշոտյանին մեղադրանք է ներկայացվել պաշտոնեական դիրքի չարաշահման, որն առաջացրել է ծանր հետևանքներ, և փողերի լվացման հատկանիշներով։ Այս մասին այսօր՝ նոյեմբերի 16–ին, Քննչական կոմիտեից դուրս գալուց հետո լրագրողների հետ զրույցում հայտնեց Արմեն Աշոտյանի փաստաբանը՝ Տիգրան Աթանեսյանը։  

Շատ հաճախ է Հարավային Կովկասը տուժել իմպերիալիստական նկրտումներով բռնապետներից։ Այս մասին հայտարարել է Սենատի արտաքին հարաբերությունների հանձնաժողովի ղեկավար Բոբ Մենենդեսը` ելույթ ունենալով Հարավային Կովկասի վերաբերյալ լսումների ժամանակ:

Նոյեմբերի 16-ին, ժամը՝ 14:30-ին, Ասկերանի շրջանի Սարուշեն գյուղի 36-ամյա բնակիչը ոստիկանության Մարտունու շրջանային բաժնի Կարմիր շուկայի բաժանմունք է դիմել այն մասին, որ ժամը 11:40-ի սահմաններում Ամարասի հովտում գտնվող Ասկերանի շրջանի Սարուշեն համայնքին պատկանող գյուղատնտեսական հողատարածքներում աշխատանքներ իրականացնելիս, ադրբեջանական բանակի ծառայողները հարակից մարտական դիրքից հրաձգային տարբեր զինատեսակներից անկանոն կրակ են բացել դաշտում աշխատող քաղաքացիների ուղղությամբ։

Հայաստանի հանրապետական կուսակցության փոխնախագահ Արմեն Աշոտյանը հրավիրվել է ՀՀ քննչական կոմիտեի հատկապես կարևոր գործերով գլխավոր վարչություն։ Տեղեկությունը հայտնում է նրա փաստաբան Տիգրան Աթանեսյանը։

Տեղեկատվական տեխնոլոգիաների ոլորտում դոլարի արժեզրկումից հետո առաջացած խնդիրների լուծման համար կառավարությունը ժամանակավոր լուծման տարբերակներ է փնտրում։ Ազգային ժողովում կառավարության հետ հարցուպատասխանի ժամանակ ասաց ՀՀ փոխվարչապետ Մհեր Գրիգորյանը։