«Ժողովուրդ». ՔՊ-Ի ՆՈՐ ՑԱՆԿԸ. ՎԱՐՉՈՒԹՅԱՆ ԿԱԶՄՈՒՄ ԱՆՈՒՆՆԵՐ ԵՆ ՓՈԽՎԵԼ
ՀՀ իշխող «Քաղաքացիական պայմանագիր» կուսակցության վարչության անդամների ընտրությունների շուրջ լուրջ կրքեր են բորբոքվել։ Ինչպես հայտնի է, անցած տարի կիրակի տեղի է ունեցել կուսակցության համագումարը, որտեղ ընտրվել է վարչության նոր կազմը, նախագահ է դարձել ՀՀ վարչապետ Նիկոլ Փաշինյանը` փոխարինելով պաշտպանության նախարար Սուրեն Պապիկյանին։
Վարչության խորհրդում ի սկզբանե չեն ընդգրկվել այնպիսի գործիչներ, ինչպիսիք են առողջապահության նախկին նախարար Արսեն Թորոսյանը, արտակարգ իրավիճակների նախարար Արմեն Փամբուխչյանը և այլն։
Մի քանի օր անց, սակայն, պարզվեց, որ թյուրիմացություն է տեղի ունեցել, ձայների վերահաշվարկ է կատարվել, որի արդյունքում վարչության կազմից դուրս են եկել փոխվարչապետ Համբարձում Մաթևոսյանը, ՔՊ խմբակցության ղեկավար Հայկ Կոնջորյանը, սակայն նրանց փոխարեն վարչության կազմում են Թորոսյանն ու Փամբուխչյանը։ Բացի այդ, Փաշինյանի օգտին ավելացրել են ևս 4 ձայն։ Սկզբում նա ուներ 941 ձայն, բայց պարզվում է` նրա օգտին քվեարկել է 945 մարդ։
Արդյունքում ՔՊ վարչությունում հետևյալ պատկերն է ստեղծվել.
1․ Փաշինյան Նիկոլ Վովայի
2. Պապիկյան Սուրեն Ռաֆիկի
3. Ռուբինյան Ռուբեն Կարապետի
4. Ավինյան Տիգրան Արմենի
5. Պապոյան Գևորգ Հարությունի
6. Միքայլեյան Սասուն Մեխակի
7. Հարությունյան Արայիկ Էդուարդի
8. Դավոյան Արփինե Հրահատի
9. Սանոսյան Գնել Հենզելի
10. Ալեքսանյան Վահագն Հովիկի
11. Սիմոնյան Ալեն Ռոբերտի
12. Հակոբյան Վաղարշակ Սոսի
13. Փամբուխչյան Արմեն Սոկրատի
14. Թորոսյան Արսեն Գևորգի
15. Պետրոսյան Ռոմանոս Վանիչկայի:
Բացատրելով ձայների վերահաշվարկը՝ Ավինյանն ավելի վաղ հայտարարել էր, որ տեղի է ունեցել տեխնիկական և կազմակերպչական խնդիր։ Պաշտոնյան նշել է, որ հակված չէ դրանում կանխամտածված կեղծիք տեսնել։
«Ժողովուրդ» օրաթերթին իշխող կուսակցության այս ընտրապայքարի վերաբերյալ որոշ մանրամասներ են հայտնի դարձել։ Թերթի տեղեկություններով՝ վարչության խորհրդի ընտրությունները փաստացի կեղծվել են, և քվեարկության արդյունքները ստահոդ ինտրիգների հետևանք են եղել։ Թերթը գրում է, որ կուսակցության ներսում գործել է ընտրությունները համակարգող խումբ, խմբում եղել են Արփինե Դավոյանը, Վիլեն Գաբրիելյանը, Տրդատ Սարգսյանը և Համբարձում Մաթևոսյանը։
Նրանք ի սկզբանե առաջ են տարել քվեարկության անհրաժեշտ արդյունքները, սակայն դա աննկատ չի մնացել նրանց կուսակցական գործընկերների կողմից։ Մասնավորապես, պատգամավոր Թագուհի Ղազարյանը հայտարարել է, որ Դավոյանը կեղծիք է կազմակերպում և փոխվարչապետ Համբարձում Մաթևոսյանի օգնությամբ ճնշում է գործադրել տարածաշրջանային իշխանությունների վրա` որոնք համատեղության կարգով նաև ՔՊ-ի ներկայացուցիչներն են մարզերում։
«Դավոյանն իբր Փաշինյանի անունից հրահանգել է` ում ընտրել, ում՝ ոչ։ Նրանց «սև ցուցակում» են եղել Արսեն Թորոսյանը, խորհրդարանի խոսնակ Ալեն Սիմոնյանը, Մարիա Կարապետյանը և Էդաուրդ Աղաջանյանը: Թերթը նաև գրում է, որ նախնական քվեարկության ժամանակ Թորոսյանի օգտին քվեարկած 20 ձայն վերագրվել Մաթևոսյանին»,– հայտնում է թերթը։
Թերթի տեղեկություններով՝ ընտրությունների բողոքարկման գործընթացը համակարգել է անձամբ Թորոսյանը, և վերահաշվարկից հետո նա և ԱԻՆ ղեկավարը մտել են վարչության խորհուրդ, իսկ փոխվարչապետն ու խմբակցության ղեկավարը լքել են այն։
