2022-01-17 20:54
Рубен МАРГАРЯН
0
ՀԱՂԹՈՂԻ «ԿԱՌՈՒՑՈՂԱԿԱՆ ԵՐԿԽՈՍՈՒԹՅՈՒՆ» ՊԱՐՏՎՈՂԻ ՀԵՏ
Դե, ահա և կայացավ Քըլըչ-Ռուբինյան բանակցությունների առաջին փուլը։
Քննախույզ փորձագետները նկատել են, որ Ռուբինյանին ՌԴ ԱԳՆ ընդունելությունների տուն տեղափոխող մեքենայի վրա հայկական դրոշ չկար, իսկ այ թուրքականի վրա, ինչպեսև հարկն է, փակցրած էր Թուրքիայի դրոշը: Դիլետանտների թիմի հերթական անփությությո՞ւնն է: Կամ գուցե ՌԴ-ում Հայաստանի դեսպանությունը ներկայումս գլխավորող Վաղարշակ Հարությունյանի՞նը։ Թե՞ դա բանակցային գործընթացի իրողություններն արտացոլող հերթական սիմվոլիզմն է։
Չէ՞ որ ինչ գեղեցիկ փաթեթավորմամբ էլ այդ գործընթացը մատուցվի, ըստ էության, դրանք բանակցություններ են 44-օրյա պատերազմում հաղթած կողմերից մեկի և պարտված կողմի միջև...
Պատերազմին Բաքվի հետ մեկտեղ Թուրքիայի մասնակցության մասին խոսվել է բազմիցս։ Դրանք և՛ թուրք ռազմական խորհրդականներ են, որոնք ծրագրել են գործողությունները, և՛ թուրքական անօդաչու թռչող սարքերը, և՛ թուրքական զինանոցում ընդգրկված F-16 կործանիչները, որոնք վերահսկում էին երկինքը պատերազմի ընթացքում, և՛ վարձկանները, որոնց Թուրքիան մատակարարում էր Ադրբեջանին Սիրիայում իր բռնազավթած շրջաններից: Այդ պատերազմում հաղթած Բաքուն իրենն արդեն ստացել է 2020-ի նոյեմբերի 9-ի հայտարարության տեսքով, թեև շարունակում է պահանջներ ներկայացնել։ Իսկ Անկարա՞ն, որին Ալիևը պարտական է անասելիորեն։
Հիմա եկել է նաև Թուրքիայի հերթը՝ քաղելու հաղթանակի պտուղները։ Եվ նրա համար այնքան էլ կարևոր չէ, որ այդ գործընթացն ընթանալու է «հարաբերությունների կարգավորման» ցուցանակի ներքո։ Ի վերջո, երրորդ հազարամյակում ենք ապրում, շրջանառության մեջ կան դիվանագիտական բազում ձևակերպումներ։ Գլխավորը, որ գործընթացը թույլ կտա Անկարային կոծկել Հայոց ցեղասպանության միջազգային ճանաչման թեման. դե, ինչո՞ւ բարձրացնել ցավոտ հարցը, երբ Անկարայի ու Երևանի միջև «կառուցողական երկխոսություն» է հաստատվում։ Գլխավորը, որ գործընթացը թույլ կտա Անկարային 2016-ի Կարսի պայմանագրի հաստատում պոկել Երևանից, որի արդյունքում Թուրքիային են անցել Կարսի մարզն ու Սուրմալուի գավառը։
Գլխավորը, որ գործընթացը թույլ կտա վերջապես իրար կապել թյուրքական աշխարհը «Զանգեզուրի միջանցքով»։ Գլխավորը, որ թուրքական կապիտալը հնարավորություն կստանա նվաճել Հայաստանը։ Գլխավորը, վերջապես, գործընթացը թույլ կտա Անկարային հեշտությամբ խուսափել 44-օրյա պատերազմին իր մասնակցության հետ կապված բոլոր հարցերից, քանզի ի՞նչ հարցեր, եթե Երևանի հետ սկսվում է խաղաղություն, բարեկամություն ու սեր։ Եվ ամենագլխավոր ամփոփումը. այդ ամենի արդյունքներով Թուրքիան իր մշտական գլխացավանքի փոխարեն կստանա վերահսկվող կիսակայացած պետական կազմավորում՝ առանց տարածաշրջանային որևէ հավակնությունների, այդ երկիրն աստիճանաբար լքող բնակչությամբ։
Երկար սպասված նպատակներին հասնելու համար Անկարան շատ բանի է պատրաստ։ Նույնիսկ «առանց նախապայմանների կառուցողական երկխոսության»։ Ի՞նչ նախապայմաններ։ Ինչի՜ մասին է խոսքը։
Ոչ մի նախապայման չկա և չի լինելու, այլ լինելու են պարզապես Անկարայի առաջարկներն այն մասին, թե ինչպես, ինչ հունով պետք է ընթանա երկու անկախ պետությունների միջև հարաբերությունների կարգավորման գործընթացը։ Այնպես, որ բոլորը գոհ լինեն, ինչպես միջազգային մի համաժողովում ձևակերպեց Փաշինյանը։
Ե՛վ Մոսկվան, որի համար ծանր է կապիտուլյացիայի ենթարկված դաշնակցի մասին հոգ տանելը, և՛ Արևմուտքը, որը հույս ունի, թե գործընթացը կհանգեցնի տարածաշրջանում Մոսկվայի դիրքերի թուլացման, և՛ Բաքուն, որը կստանա երկար սպասված միջանցքը, և՛ Անկարան, որը կազատվի հավերժական «Հայկական հարցից»։
Դե, նաև Փաշինյանը, իհարկե։ Քանի որ «խաղաղության դարաշրջան» կբացի տարածաշրջանում։ Անգամ եթե Անկարայի հետ նախատեսվող պայմանավորվածությունների արդյունքում ընդդիմադիրները սկսեն անվանել իրեն արդեն կրկնակի կապիտուլյանտ։ Մանրուքներ են։
ПОСЛЕДНИЕ ОТ АВТОРА
-
2024-05-14 12:30Лидер Движения "Тавуш во имя родины", лидер народных протестов против режима Пашиняна архиепископ Баграт сегодня пойдет на Третий участок - некогда "логово" ереванского электората Пашиняна. Говорить с людьми, слушать их. Делать то, чего не сделала привилегированная структурированная оппозиция, которая любит ворчать на "несознательность народа".
-
2024-05-10 14:07Ох, сколько же протоколов об административных правонарушениях составит сегодня никчемная власть против участников народных протестов! Та самая власть, которая позиционирует себя народной, но так и не желающая признавать, как она надоела народу. Своей постоянно ложью. Своей последовательной сдачей интересов армянской государственности.
-
2024-05-09 13:20Была надежда, что визит Никола Пашиняна в Москву позволит изменить нежелательный ход событий если не на желательный, то, по крайней мере, на менее нежелательный. Не случилось. Визит Пашиняна в Москву не привнес позитива, если под этим понятием иметь в виду нормализацию армяно-российских отношений. Путин и Пашинян, выйдя после непродолжительных с учетом накопившихся тем и проблем переговоров, даже не смотрели друг на друга…, не то, чтобы обменяться парой словечек для телекамер.
-
2024-05-07 12:53Посол США в Азербайджане Марк Либби поставил в неудобное положение прозападную армянскую тусовку. С разницей в один день посол сначала заявил одному азербайджанскому сайту, что не намерен посещать Шуши, чтобы не становиться "участником шоу", а на следующий день поехал и с женой там радостно сфотографировался…
ПОСЛЕДНЕЕ ПО ТЕМЕ
-
2022-04-05 10:29Այսօր հանրապետության գլխավոր ընդդիմադիր ուժերը՝ «Հայաստան» և «Պատիվ ունեմ» դաշինքները, հրավիրում են բոլորին Ազատության հրապարակ՝ հանրահավաքի։ Նորմալ տրամաբանության տեսանկյունից ամեն ինչ պարզ է և հասկանալի. դա հանրահավաք է՝ հանուն հայկական հզոր պետականության, ի պաշտպանություն Արցախի, նրա անկոտրում բնակիչների։ Հանրահավաք՝ հանուն իր հողի վրա ազատ ապրելու, իր ճակատագիրն ինքնուրույն որոշելու արցախցու իրավունքի, և որ արցախցուն չլքի այն վստահությունը, որ ինքը միայնակ չէ իր պայքարում։
-
2022-04-02 08:48Բայց ի՜նչ գեղեցիկ հեքիաթ էր: «Թուրքիան պատրաստ է կարգավորել Հայաստանի հետ հարաբերություններն առանց նախապայմանների»,- երդում-պատառ էին ուտում մեր պետական այրերը։ Դե, թուրքերն էլ ողորմածաբար ժպտում էին, թե՝ այո, իհա՜րկե, առանց նախապայմանների, հայ եղբայրներ, առանց նախապայմանների։ Ի՞նչ նախապայմաններ։ Արցախը դուք առանց այդ էլ հանձնեցիք, գրեթե ամբողջությամբ, ցեղասպանության թեման Երևանը չի լոբբինգավորում, սահմանների առումով դժգոհություններ չկան…
-
2022-02-02 19:59Լսե՞լ եք, թե ինչպես էր Հանրային հեռուստաալիքում գլուխ գովում մեր հպարտ Ալեն, Հայաստանի նախագահի պաշտոնակատար Սիմոնյանը: Իբր՝ իր պատվիրակության այցն ԱՄՆ աննախադեպ էր։ Պատմական։ Նման բան երբեք չի եղել նախկին իշխանությունների օրոք։ Ինքը հանդիպել է Ներկայացուցիչների պալատի խոսնակ Նենսի Փելոսիի հետ։ Նույնիսկ կա այցը հաստատող համատեղ լուսանկար...
-
2021-03-23 08:50Փաշինյանի հայտարարությունն այն մասին, թե արտահերթ խորհրդարանական ընտրությունները տեղի կունենան հունիսի 20-ին, պաշտոնական տեսանկյունից առանձնապես ոչինչ չի նշանակում։ Ընտրարշավի ժամանակացույցը կարգավորվում է ԿԸՀ որոշումներով։ Բուն ընտրությունները նշանակվում են նախագահի կողմից, խորհրդարանի լուծարումից հետո։ Իսկ խորհրդարանը լուծարվում է, եթե երկու անգամ չի կարողանում վարչապետ ընտրել, երբ պաշտոնը թափուր է։