ԵՄ-ն Իրանի դեմ պատժամիջոցների ցանկն ընդլայնել է ՌԴ-ին «օգնելու» պատճառով
Եվրամիության խորհուրդն Իրանի դեմ պատժամիջոցների ցանկն ընդլայնել է այդ երկրում տիրող ներքին իրավիճակի, ինչպես նաև Ռուսաստանին «օգնություն ցուցաբերելու» համար։ Այս մասին ասվում է ԵՄ խորհրդի հայտարարության մեջ։
Պատժամիջոցները նախատեսում են Եվրամիության երկրներ մեկնելու արգելք և եվրոպական տարածքում բոլոր ակտիվների սառեցում:
«ԵՄ խորհուրդը 20 ֆիզիկական անձ և մեկ կազմակերպություն է ավելացրել մարդու իրավունքների գործող պատժամիջոցների ցանկում։ Դա կապված է Մահսա Ամինիի մահից հետո Իրանում կազմակերպված ցույցերին ի պատասխան կիրառված բռնության հետ», - նշվում է փաստաթղթում։
Ցուցակում են հայտնվել ԶԼՄ-ների ներկայացուցիչներ և ուժայիններ։
Բացի այդ, խորհուրդն այսօր պատժամիջոցների ցուցակներում ավելացրել է Իրանի ևս չորս ֆիզիկական անձանց և չորս կազմակերպությունների՝ «Ուկրաինայի տարածքային ամբողջականության, ինքնիշխանության և անկախության խախտման կապակցությամբ»: ԵՄ-ում պնդում են, որ նշված անձինք և ընկերությունները իբր զբաղվել են իրանական անօդաչու թռչող սարքերի մատակարարմամբ, որոնք այնուհետև կիրառվել են Ուկրաինայի դեմ։
Արևմուտքի երկրները պնդում են, որ Իրանը Ռուսաստանին անօդաչու սարքեր է մատակարարում Ուկրաինայում ռազմական գործողությունների համար։ Մոսկվան և Թեհրանը բազմիցս հերքել են այդ մեղադրանքները։ Իրանի ԱԳ նախարար Հոսսեյն Ամիր Աբդոլլահիանը հայտարարել է, որ Թեհրանը ՌԴ-ին անօդաչու թռչող սարքեր է մատակարարել, սակայն Ուկրաինայում հատուկ գործողության մեկնարկից մի քանի ամիս առաջ:
Կրեմլում նաև նշել են, որ իրանական սպառազինության մասին տվյալներ չունեն։ ՌԴ նախագահի մամուլի քարտուղար Դմիտրի Պեսկովը հայտնել է, որ օգտագործվում է ռուսական տեխնիկա` ռուսական անվանումներով:
ԵՄ-ն ավելի վաղ արդեն պատժամիջոցներ էր սահմանել Թեհրանի դեմ այդ երկրում տիրող իրավիճակի պատճառով, որտեղ զանգվածային բողոքի ակցիաներ են անցկացվում: Ի պատասխան այս քայլի` Իրանն ընդլայնել է Եվրամիության դեմ իր պատժամիջոցները։
Sputnik Արմենիա
ПОСЛЕДНИЕ ОТ АВТОРА
-
2024-05-16 21:30
Движение "Тавуш во имя Родины" анонсировало масштабный митинг в центре Еревана, о времени и дате будет сообщено в скором времени. Об этом заявил лидер движения, архиепископ Баграт Галстанян в четверг на собрании во дворе церкви Св. Анны.
-
2024-05-16 21:18
Решение армянской и азербайджанской госкомиссий по делимитации и демаркации - не что иное, как безоговорочное выполнение ультиматума Баку, которое грозит новыми потерями жизненно важного и стратегического значения. Об этом говорится в заявлении Всеармянского совета дипломатов по происходящим в Тавуше процессам.
-
2024-05-16 19:58
За что Ахматова и Цветаева ненавидели жену Пушкина? 13 мая 1829 года Александр Пушкин первый раз просил руки Натальи Гончаровой. Невесте еще не исполнилось семнадцати лет.
-
2024-05-16 19:22
Министерство территориального управления и инфраструктур Армении отреагировало на публикацию в Hetq.am о строящемся в ереванском административном районе Аван роскошном особняке матери министра Гнела Саносяна, передает Sputnik Армения.