ՎԻՎԱ-ՄՏՍ. ՕՐԹԵԶԱՎՈՐՈՒՄ՝ ՎԻՐԱՎՈՐՈՒՄԻՑ ՀԵՏՈ
Հետվնասվածքային բարդությունները կանխելը նպատակ է գործընկեր կազմակերպությունների համար
Սյունեցի Արմենը հայրենասիրության և ընկերասիրության՝ իր բնորոշումն ու ընկալումն ունի: 26-ամյա երիտասարդի համար դասագրքային ձևակերպումներին զուգահեռ այլ իրականություն էլ կա. ապրած օրերի դասերը: Վիրավորումից հետո կյանքը բաժանել է երկու մասի՝ դրանից առաջ և հետո: Հասկացել է, որ հաղթանակներն անհրաժեշտ են ոչ միայն մարտի դաշտում, այլև՝ առօրյա կյանքում: Իր համար կարևոր հաղթանակ է համարում ոտքի կանգնելը, ընտանիք կազմելն ու առաջնեկ դստերը Մետաքսե անունով կոչելը: Արմենը սիրում է կյանքն ու հայրենիքը, հպարտանում, որ իր անունը հային է խորհրդանշում:
«Ինձ համար մի կարևոր արժեք կա. պետք ա լիարժեք իրար սիրենք ու հարգենք: Մենք ժողովուրդ չենք, մենք ազգ ենք: Պետք է մեր հայ ազգը կանգնած լինի մեր զինվորի կողքին: Դա մեր ամենամեծ փրկությունը կլինի էս օրհասական պահին: Հենց որ ամեն մեկս մեր գործով զբաղվի, թե՛ մեր պետությանը, թե՛ մեր զինվորին շատ կօգնի: 2016 թվականին, երբ զինվորական ծառայությունս ավարտել եմ, եկել եմ ծանոթացել իմ կնոջ հետ: Էն ժամանակ դեռ կինս չէր: Հետո ինչ-որ հանգամանքներ կային, որ խանգարում էին ամուսնանանք: Հետո եկավ մի պահ, որ վիրավորում ստացա: Էդ ժամանակ մենք չէինք շփվում, բայց աչքերս բացեցի ու տեսա, որ կողքիս կանգնած է»,-ասել է սյունեցի Արմեն Հարությունյանը:
Վիրավորում ստացած զինվորներին առօրյա կյանքի հուն վերադարձնելու նպատակով, Վիվա-ՄՏՍ-ն ու «Զինվորի տուն» բարեգործական-հասարակական կազմակերպությունը, ավելի քան մեկ տարի օրթեզավորման ծրագիր են իրականացնում: Դա կարևոր է ողնուղեղային, գլխուղեղային, վերին և ստորին վերջույթների վնասվածքով զինվորների վերականգնողական բուժման ժամանակ, հետվնասվածքային բարդությունները կանխելու համար: Արմենն այդ ծրագրի բուժառուներից մեկն է: Արդեն չորս ամիս ժամանակակից օրթեզ է կրում: Դրանք, ի տարբերություն ստատիկ օրթեզների, չեն սահմանափակում շարժումները, ծանր չեն, մեխանիկական հոդավորման ու ճիշտ կառուցվածքի շնորհիվ` դինամիկ են և ֆունկցիոնալ: Քայլքի ժամանակ կարող են ճիշտ ֆիքսել հենումները և ապահովել ազատ տեղաշարժը:
Արմենը չի սիրում խոսել վիրավորում ստանալու մանրամասների մասին կամ տրտնջալ. պահպանում է ոգու ամրությունը: Գիտի, որ շատերն են իր նման անվասայլակից անցել հենակների, հետո՝ քայլակի, ձեռնափայտի, ապա՝ սկսել քայլել օրթեզի օգնությամբ: Կարևորն իր գնահատմամբ՝ ուժեղ լինել, չհուսահատվել, սահմանել նպատակ, առաջ շարժվել և չշեղվել դրանից: Երիտասարդն իր առջև հերթական նպատակն է դրել. նոր մասնագիտություն ձեռք բերել: Սովորում է՝ գրաֆիկ դիզայներ լինելու հեռանկարը իրականություն դարձնելու համար:
Օրթեզավորման հիմնական գործառույթն անատոմիական ճիշտ դիրքի ֆիքսումն է՝ վնասված հոդի և վերջույթների ծանրաբեռնվածության թեթևացման, ֆիքսման, ակտիվացման և ուղղման համար: Այդ ամենը թույլ է տալիս նվազեցնել ողնաշարի և մարմնի բոլոր հոդերի ծանրաբեռնվածությունը, կանխել մկանային համակարգի գերլարվածությունը: Միաժամանակ, ստորին վերջույթում խնդիրների դեպքում՝ օրթեզները նպաստում են ճիշտ բիոմեխանիկայի վերականգնմանն ու քայլքի ծրագրի առաջընթացին, ինչպես նաև ձեռքերի ֆունկցիոնալության վերականգնմանը:
2021 թվականին մեկնարկած եռամյա ծրագրի համար, գործընկեր «Զինվորի տուն» բարեգործական-հասարակական կազմակերպությանը Վիվա-ՄՏՍ-ը տրամադրել է 120 մլն դրամ:
Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am։
«Մոբիլնիյե Տելեսիստեմի» ՀԲԸ-ն (ՄՏՍ) Ռուսաստանում և ԱՊՀ երկրներում հեռահաղորդակցության խոշորագույն օպերատոր է: Դուստր ձեռնարկությունների հետ միասին կազմակերպությունը սպասարկում է 88 միլիոն բաժանորդի Ռուսաստանում, Հայաստանում և Բելառուսում: 2000թ-ի հունիսից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ: Հավելյալ տեղեկություններ ստանալու համար այցելեք www.mtsgsm.com։
ПОСЛЕДНИЕ ОТ АВТОРА
-
ОСТАНОВИТЬ ФАЛЬСИФИКАЦИЮ ПРАВОВЫХ ДОКУМЕНТОВ, СОВЕРШАЕМУЮ НА ГОСУДАРСТВЕННОМ И МЕЖДУНАРОДНОМ УРОВНЯХ2024-05-12 08:23
19 апреля 2024 года на границе между Республикой Армения и Азербайджанской Республикой под председательством вице-премьеров обеих стран состоялась встреча Комиссии по вопросам делимитации государственной границы и пограничной безопасности между Республикой Армения и Азербайджанской Республикой. Стороны договорились, что в процессе делимитации будут основываться на Алма-Атинской декларации от 1991 года. Стороны также условились зафиксировать данный базовый принцип в проекте соответствующего Положения.
-
2024-05-11 15:16
Доктор политических наук, военный историк Армен Айвазян пишет на своей странице в Фейсбук о срочных шагах народного движения, которые следует предпринять незамедлительно.
-
2024-05-11 12:24
"Примечательный нюанс: в 2021 году, после заявления Генштаба РА с требованием отставки Никола Пашиняна, власти (не важно с применением административного ресурса или нет) провели контрмитинг. На площади Республики собралось несколько тысяч человек", - пишет в своем телеграм-канале политолог Беньямин МАТЕВОСЯН.
-
2024-05-11 10:37
Как можно оценить итоги визита премьер-министра Армении Никола Пашиняна в Москву и его отсутствие на параде Победы? Насколько возможно совместить выход из ОДКБ и членство в ЕАЭС, хорошие экономические отношения с Россией? На эти и другие вопросы Verelq ответил ведущий научный сотрудник Института международных исследований МГИМО МИД России Николай СИЛАЕВ.
ПОСЛЕДНЕЕ ПО ТЕМЕ
-
2023-09-18 18:43
«Yandex Plus» ծառայությունն այժմ հասանելի է Viva-MTS-ի «X» և «Y» սակագնային պլանների կանխավճարային և հետվճարային բաժանորդների համար:
-
2023-09-15 16:51
Վիվա-ՄՏՍ-ում ավարտվել է «Viva University» («Վիվա Յունիվերսիթի») կրթական ծրագրի երկամսյա դասընթացը: Շրջանավարտների հերթական խումբը պատրաստ է ձեռք բերած փորձով ու գործնական գիտելիքով տեղ գտնել աշխատաշուկայում և լավագույն արդյունք գրանցել մասնագիտական ոլորտում: Ավարտական հավաստագիր ստացած 22 ուսանող մասնագիտական փորձ է ձեռք բերել երկու՝ տեղեկատվական տեխնոլոգիաների և վաճառքի ու բաժանորդների սպասարկման ոլորտում:
-
2023-09-06 18:03
Տվյալների հավաքագրում և բազաների կառավարում, պլանավորում, զարգացում և աջակցություն…. Տարբեր նեղ մասնագիտական խմբերում ընդգրկված 15 ուսանող ՏՏ (տեղեկատվական տեխնոլոգիաների) ոլորտում գործնական գիտելիքներ ստանալու և հմտանալու իրական հնարավորություն է ունեցել Վիվա-ՄՏՍ-ում:
-
2023-09-05 17:35
Վիվա-ՄՏՍ-ն իր հաճախորդներին առաջարկում է աշխատանքային հեռախոսահամարներից ստացված և կատարված զանգերի ամբողջական վերահսկման գործիք։ Վիվա-ՄՏՍ-ի առաջարկած՝ կորպորատիվ շարժական և ֆիքսված ծառայությունների նոր կոնվերգենտ լուծումը լայնորեն կիրառվում է շատ ոլորտներում, հատկապես այն ընկերությունների կողմից, որոնք ունեն հեռավար աշխատող ու շրջիկ աշխատակիցներ: