ԳՈՐԾԸՆԿԵՐՈՒԹՅԱՆ ԱՐԴՅՈՒՆՔԸ՝ ԸՆՏԱՆԻՔԻ ԵՎ ԵՐԵԽԱՅԻ ԿՅԱՆՔԻ ՈՐԱԿԻ ՓՈՓՈԽՈՒԹՅՈՒՆ
Մայրաքաղաք-մարզեր համեմատության տիրույթում, դեռևս զգալի տարբերություն կա բնակչին տրվող հնարավորությունների հարցում: Դրանում համոզվել է սահմանապահ Բերդավանում բնակվող Աիդան: Չորս անչափահասի երիտասարդ մայրը, հանգամանքների բերումով՝ հրաժարվել է հիմնական մասնագիտությունից: Նա ամբողջ ուշադրությունը կենտրոնացրել է զավակներից մեկի՝ Սմբատի խնդրին: Մանկական ուղեղային կաթվածով երեխան ունի անհրաժեշտ գիտելիք և հմտություն պահանջող անհատական օգնականի աջակցության կարիք:
Ընտանիքի և երեխայի կյանքի որակն զգալիորեն փոխվել է՝ Վիվա-ՄՏՍ-ի և «ՍՈՐՍ» հիմնադրամի գործընկերությամբ իրականացվող ծրագրի արդյունքում: Անհատական օգնականի հոգատար և արհեստավարժ աշխատանքի շնորհիվ՝ Աիդան փորձում է կյանքի նոր ռիթմով ապրել. ավելի շատ ժամանակ հատկացնել մյուս երեխաներին և ամուսնուն, մասնակցել դասընթացների՝ նախասիրությունը կայուն աշխատանք դարձնելու նպատակով: Այգու բերքից պատրաստվող էկոլոգիապես մաքուր չրերն արդեն որոշակի պահանջարկ ունեն: Երիտասարդ տանտիրուհին ձեռներեցության փոքրիկ քայլեր է անում: Չնայած նկարագրված դժվարություններին՝ մասնագիտական նոր հմտություններ է զարգացնում՝ երազանքն իրականություն դարձնելու համար:
«Սմբատի վերականգնման համար, շատ հնարավորություններ կան նաև մայրաքաղաքում, բայց իմ ընտանիքն այստեղ է: Ես նաև գերխնդիր ունեմ. որպես մայր անել այնպես, որ ընտանիքում ոչ ոք չտուժի:
Ուզում եմ ժամանակի հետ ընդլայնել էկոմթերքից պատրաստվող չրերի արտադրությունը: Շատ լավ արձագանքներ ունեմ և կարող եմ զբաղվել իմ նախասիրությամբ: Մայրաքաղաքի և մեծ քաղաքների բալիկների և ծնողների նման, այս ծրագրի շնորհիվ մենք չանտեսվեցինք», - ասել է Աիդա Անանյանը:
Վերջին մեկ տարվա ընթացքում, տարբեր մարզերում բնակվող 20 ընտանիք, օգտվել է անհատական օգնականների աջակցությունից և զգալի հաջողություն արձանագրել: Ավելի քան յոթ տարի, Վիվա-ՄՏՍ-ի և «ՍՈՐՍ» հիմնադրամի գործընկերությամբ իրականացվող ծրագիրը կարևոր է թիրախային խմբում ընդգրկված երեխաների և նրանց ընտանիքների համար: Հատուկ խնամքի անհրաժեշտություն ունեցող երեխաների մոտ արձանագրվում է դրական տեղաշարժ, իսկ նրանց ընտանիքներում, ծրագրի իրականացման 4 ամսվա ընթացքում՝ զգալի չափով թեթևանում է խնամող ծնողի հոգսաշատ առօրյան:
«Մեզ համար կարևոր էր մեծացնել անհատական օգնականների աջակցության աշխարհագրությունը և հասնել նաև մարզեր: Անհատական օգնականների ընտրությունը, վերապատրաստումը, աշխատանքի վերահսկողությունը, ծնողի հետ կապը, քննարկումները և ամեն մի երեխայի համար անհատական զարգացման և խնամքի ծրագիր գրելը կազմակերպվում է փորձագիտական բազմամասնագիտական թիմի կողմից: Արդյունքները վերլուծելով, կարող եմ արձանագրել, որ սրտացավ և արհեստավարժ աշխատանք է տարվում ամբողջ թիմի կողմից»,- ասել է «ՍՈՐՍ»-ի հիմնադիր տնօրեն Մարինա Պառազյանը:
Թիրախային աջակցության արդյունքում, չորս ամսվա (շաբաթական 15 ժամ) աշխատանքի ընթացքում, ընտանիքին կցված անհատական օգնականին հաջողվել է Սմբատի մոտ բարելավել մանր մոտորիկան, հիշողությունը և միջավայրին ինտեգրվելու ցանկությունը: Երեխան սիրում է շփվել և կրթվել, ներառական կրթության շրջանակում էլ, անհատական օգնականի ուղեկցությամբ՝ հաճախել դպրոց:
Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am։
ПОСЛЕДНИЕ ОТ АВТОРА
-
ОСТАНОВИТЬ ФАЛЬСИФИКАЦИЮ ПРАВОВЫХ ДОКУМЕНТОВ, СОВЕРШАЕМУЮ НА ГОСУДАРСТВЕННОМ И МЕЖДУНАРОДНОМ УРОВНЯХ2024-05-12 08:23
19 апреля 2024 года на границе между Республикой Армения и Азербайджанской Республикой под председательством вице-премьеров обеих стран состоялась встреча Комиссии по вопросам делимитации государственной границы и пограничной безопасности между Республикой Армения и Азербайджанской Республикой. Стороны договорились, что в процессе делимитации будут основываться на Алма-Атинской декларации от 1991 года. Стороны также условились зафиксировать данный базовый принцип в проекте соответствующего Положения.
-
2024-05-11 15:16
Доктор политических наук, военный историк Армен Айвазян пишет на своей странице в Фейсбук о срочных шагах народного движения, которые следует предпринять незамедлительно.
-
2024-05-11 12:24
"Примечательный нюанс: в 2021 году, после заявления Генштаба РА с требованием отставки Никола Пашиняна, власти (не важно с применением административного ресурса или нет) провели контрмитинг. На площади Республики собралось несколько тысяч человек", - пишет в своем телеграм-канале политолог Беньямин МАТЕВОСЯН.
-
2024-05-11 10:37
Как можно оценить итоги визита премьер-министра Армении Никола Пашиняна в Москву и его отсутствие на параде Победы? Насколько возможно совместить выход из ОДКБ и членство в ЕАЭС, хорошие экономические отношения с Россией? На эти и другие вопросы Verelq ответил ведущий научный сотрудник Института международных исследований МГИМО МИД России Николай СИЛАЕВ.
ПОСЛЕДНЕЕ ПО ТЕМЕ
-
2023-09-18 18:43
«Yandex Plus» ծառայությունն այժմ հասանելի է Viva-MTS-ի «X» և «Y» սակագնային պլանների կանխավճարային և հետվճարային բաժանորդների համար:
-
2023-09-15 16:51
Վիվա-ՄՏՍ-ում ավարտվել է «Viva University» («Վիվա Յունիվերսիթի») կրթական ծրագրի երկամսյա դասընթացը: Շրջանավարտների հերթական խումբը պատրաստ է ձեռք բերած փորձով ու գործնական գիտելիքով տեղ գտնել աշխատաշուկայում և լավագույն արդյունք գրանցել մասնագիտական ոլորտում: Ավարտական հավաստագիր ստացած 22 ուսանող մասնագիտական փորձ է ձեռք բերել երկու՝ տեղեկատվական տեխնոլոգիաների և վաճառքի ու բաժանորդների սպասարկման ոլորտում:
-
2023-09-06 18:03
Տվյալների հավաքագրում և բազաների կառավարում, պլանավորում, զարգացում և աջակցություն…. Տարբեր նեղ մասնագիտական խմբերում ընդգրկված 15 ուսանող ՏՏ (տեղեկատվական տեխնոլոգիաների) ոլորտում գործնական գիտելիքներ ստանալու և հմտանալու իրական հնարավորություն է ունեցել Վիվա-ՄՏՍ-ում:
-
2023-09-05 17:35
Վիվա-ՄՏՍ-ն իր հաճախորդներին առաջարկում է աշխատանքային հեռախոսահամարներից ստացված և կատարված զանգերի ամբողջական վերահսկման գործիք։ Վիվա-ՄՏՍ-ի առաջարկած՝ կորպորատիվ շարժական և ֆիքսված ծառայությունների նոր կոնվերգենտ լուծումը լայնորեն կիրառվում է շատ ոլորտներում, հատկապես այն ընկերությունների կողմից, որոնք ունեն հեռավար աշխատող ու շրջիկ աշխատակիցներ: