Գլխավոր դատախազը ԱԺ-ում մանրամասներ ներկայացրեց «ապօրինի ծագում ունեցող գույքի» գործերից
ԱԺ պետաիրավական հարցերի հանձնաժողովում, այսօր՝ ապրիլի 29-ին, Դատախազության 2023 թվականի գործունեության մասին հաղորդման քննարկման ժամանակ ՀՀ գլխավոր դատախազ Աննա Վարդապետյանը ներկայացրեց, թե ապօրինի ծագում ունեցող գույքի գործերով քանի անշարժ գույք և այլ միջոցներ է պահանջում դատախազությունը Ռոբերտ Քոչարյանից, Գագիկ Ծառուկյանից և Գագիկ Խաչատրյանից:
Ըստ այդմ, Գլխավոր դատախազությունը պահանջ է ներկայացրել ՀՀ երկրորդ նախագահ Ռոբերտ Քոչարյանից ու նրան փոխկապակցված 7 անձից հօգուտ Հայաստանի բռնագանձել 25 միավոր անշարժ գույք: Բացի այդ, դատախազությունը պահանջում է նաև, որ Քոչարյանից բռնագանձվի «5 տրանպորտային միջոց, մասնակցություն հայաստանյան ու արտասահմանյան 16 իրավաբանական անձում, ավելի քան 4 միլիոն դոլարի ավանդ արժեթուղթ, Շուրջ 10 միլիարդ դրամին համարժեք փոխառությունների պահանջի իրավունք, ավելի քան 35 միլիարդ դրամ, որն իրենից ներկայացնում է ապօրինի ծագում ունեցող դրամական միջոցների մնացորդի՝ բարեխիղճ երրորդ անձանց փոխանցված միջոցների ու այլ ծախսված միջոցների հանրագումար:
Գլխավոր դատախազությունը պահանջ է ներկայացրել, որով ՊԵԿ նախկին նախագահ, Ֆինանսների նախկին նախարար Գագիկ Խաչատրյանից ու նրան փոխկապակցված անձանցից պահանջում է հօգուտ Հայաստանի բռնագանձել շուրջ 200 միավոր անշարժ գույք, որոնցից 56-ը Երևանի կենտրոնում է:
Բացի այդ, դատախազությունը պահանջում է նաև Գագիկ Խաչատրյանից բռնագանձել 13 տրանսպորտային միջոց, մասնակցություն հայաստանյան ու արտասահմանյան 29 իրավաբանական անձում, ավելի քան 1,4 միլիոն դոլարի ավանդ և արժեթուղթ, ավելի քան 23 միլիոն դոլարին համարժեք փոխառությունների պահանջի իրավունք, ավելի քան 23 միլիարդ դրամ, որն, ըստ դատախազի, իրենից ներկայացնում է ապօրինի ծագում ունեցող դրամական միջոցների մնացորդի՝ բարեխիղճ երրորդ անձանց փոխանցված միջոցների ու այլ ծախսված միջոցների հանրագումար։
Բացի այդ, Գլխավոր դատախազությունը պահանջ է ներկայացրել «Բարգավաճ Հայաստան» կուսակցության առաջնորդ Գագիկ Ծառուկյանից ու նրան փոխկապակցված անձանցից հօգուտ Հայաստանի բռնագանձել 79 անշարժ գույք, 42 տրանսպորտային միջոց։
Դատախազությունը պահանջում է բռնագանձել չնույնականացված 8 տրանսպորտային միջոցների ձեռքբերման արժեք 349 միլիոն դրամի չափով, զիջված պահանջի իրավունքի գումար՝ շուրջ 33,5 միլիոն դրամ:
Բացի այդ, դատախազությունը պահանջում է, որ Գագիկ Ծառուկյանից բռնագանձվի նաև 10 անշարժ գույքի շուկայական արժեք, 39 իրավաբանական անձում բաժնեմաս ու բաժնետոմս, ավելի քան 63,3 միլիարդ դրամին համարժեք փոխառությունների պահանջի իրավունք, 12 ֆիզիկական ու իրավաբանական անձանց տրամադրված փոխառությունների գումարի չափ ավելի քան 16,8 միլիարդ դրամին համարժեք ու ավելի քան 86 միլիարդ 480 միլիոն դրամի բռնագանձման պահանջ, որը հանդիսանում է ապօրինի ծագում ունեցող գույքի օգտագործումից ստացված եկամուտների ու օրինական եկամուտներով չհիմնավորվող վճարումների, փոխանցումների ու այլ ելքերի հանրագումար։
News.am
ПОСЛЕДНИЕ ОТ АВТОРА
-
2024-05-17 11:38
Партия Вардана Гукасяна (Дог) «ДОК» не будет участвовать в собрании, созванном Багратом архиепископом Галстаняном 18 мая.
-
2024-05-17 11:36
Помощник президента Азербайджана Хикмет Гаджиев обсудил с американскими дипломатами процесс нормализации отношений с Арменией, сообщается на страничке азербайджанского посольства в X.
-
2024-05-17 11:35
В эти минуты в администрации села Киранц проходит встреча губернатора Тавушской области Айка Галумяна с жителями. Об этом заявил в беседе с корреспондентом Новости Армении – NEWS.am один из жителей Киранца, добавив, что, несмотря на это, межгосударственная трасса продолжает оставаться перекрытой.
-
2024-05-17 11:16
Карты Советского Союза 1970-1990 гг. претерпели очень незначительные изменения, а карты 1975 года - это карты Генерального штаба Советского Союза. Об этом в беседе с "ФактИнфо" заявил картограф Рубен ГАЛЧЯН, коснувшись протокола, подписанного 15 мая комиссией по вопросам делимитации границы и пограничной безопасности между Арменией и Азербайджаном, где за основу была взята карта 1976 года.