Последние новости
2019-06-08 15:32

Դոմինիկ դը Վիլպեն․ Անհրաժեշտ է հասկանալ միմյանց

0
Telegram

2005-2007 թթ. Ֆրանսիայի վարչապետ Դոմինիկ դը Վիլպենը կարծում է, որ Դիլիջանում անցկացվող «Մտքերի գագաթնաժողով»-ը կարող է նպաստել ավելի լավ փոխըմբռնմանը և երևակայության գործածմանը:

Ինչպես տեղեկացնում է «Արմենպրես»-ը, հունիսի 8-ին Դիլիջանում անցկացվող ասուլիսի ժամանակ Դոմինիկ դը Վիլպենը նշեց, որ աշխարհում ներկայումս առկա են սխալ գաղափարներ, տարընկալումներ, հակամարտություններ, և մարդին դա իրենց մաշկի վրա են զգում:

«Ինձ տարիների ընթացքում զարմացրել է այն, որքան քիչ երևակայություն է օգտագործվում աշխարհում: Դիվանագիտությունն այն ոլորտն է, որտեղ մարդիկ օգտագործում են իրենց ուղեղները և գաղափարները, որպեսզի ավելի լավ աշխարհ կառուցեն, բայց եթե նայում ենք աշխարհի այսօրվա վիճակին, մենք տեսնում ենք , որ աշխարհի այն կարգը, որը ձևավորվել է Երկրորդ համաշխարհային պատերազմից հետո, լիովին փլուզվել է և փլուզվում է: Մենք չենք տեսնում, նոր աշխարհը ինչպիսին է լինելու, ինչպիսին են լինելու նոր հաստատությունները, ինստիտուտները , որոնք հիմնելու են նոր գաղափարներ և հայեցակարգեր, որոնք ձևավորելու են այն աշխարհը, որում մենք ապրելու ենք »,- ասաց Ֆրանսիայի նախկին վարչապետը:

Այդ խնդիրը լուծելու համար Դոմինիկ դը Վիլպենը անհրաժեշտ է համարում միմյանց հասկանալը և երևակայության օգտագործումը, իսկ այդ ամենը, ըստ Ֆրանսիայի նախկին վարչապետի, պետք է վերածել գործողության:

Նա հիշեցրեց, թե ինչպես են Ֆրանսիան և Գերմանիան դարեր շարունակ պատերազմել, սակայն Երկրորդ համաշխարհային պատերազմից հետո որոշել, որ ամենավատ թշնամին կարող է դառնալ ամենալավ բարեկամը:

«Լավագույն հարաբերություններ ձևավորելն ուղղակի պրակտիկայի խնդիր է: Եթե դրան ուզում ենք հասնել, մենք պետք է սկսենք մեզանից , պետք է սկսենք առաջին հերթին փոխել մեզ , ինչը հնարավորություն կտա ուրիշների հետ ավելի լավ հարաբերություններ ունենալ»,- եզրափակեց Ֆրանսիայի նախկին վարչապետը:

Основная тема:
Միջազգային համաժողով

Теги:
վարչապետ

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ

  • ՓԱՇԻՆՅԱՆԻ ՄԵՂՔԸ
    2021-09-27 21:48

    Մեկ տարի է անցել Լեռնային Ղարաբաղում 44-օրյա պատերազմի սկսվելու օրից: Նիկոլ Փաշինյանի մեղքն անվիճելի է։ Առաջին հերթին՝ այն, որ նա իրավիճակը հասցրեց պատերազմի։ Դա դրսևորվեց առաջին հերթին բանակցային գործընթացի ընթացքում անհամարժեք քայլերով, որոնք հանգեցրին հայկական կողմի դիրքերի սասանմանն ու դաշնակիցների հետ կապերի թուլացմանը։ Երկրորդ. ո՛չ հայկական պետությունը, ո՛չ հայ հասարակությունը, ո՛չ էլ հայկական բանակը պատրաստ չէին պատերազմի։ Բոլորը զբաղված էին քաղաքական շոուներով, որոնք գրեթե ամեն օր ցուցադրում էր իշխող թիմը։ Հասարակական ընկալումներում երկրորդ պլան էին մղվել բանակում վարչապետի ձեռնարկած կադրային զտումները, 2016-ի ռազմական գործողություններից հետո ընդունված սպառազինության ծրագրի փոփոխությունը։

  • ՆԻԿՈԼԸ ՎԱԽԵՆՈՒՄ Է ՆՈՐ ՀԵՂԱՓՈԽՈՒԹՅՈՒՆԻՑ, կամ Ո՞Վ ԿՓՐԿԻ ՀԱՅԱՍՏԱՆՆ ԱՅՍ ԱՆԳԱՄ
    2019-09-02 10:53

    Անօգուտ հռետորաբանություն 2000թ. հոկտեմբերի 5-ին ընկավ Սլոբոդան Միլոշևիչի ռեժիմը, 2003թ. նոյեմբերին «վարդերի հեղափոխությունը» տապալեց Էդուարդ Շևարդնաձեին։ Այնուհետ բռնկվեց «նարնջագույն հեղափոխությունը» Ուկրաինայում, դրան հաջորդեց բռնության պայթյունը, որը ստիպեց հրաժարական տալ Ղրղզստանի նախագահին, այնուհետ ապստամբություն սկսվեց ուզբեկական Անդիժան քաղաքում։ 2008թ. մարտի 1-ին այդ ալիքը հասավ Հայաստան և կասեցվեց։ Այն ժամանակ շատերն էին խոսում այն մասին, որ գունավոր հեղափոխության ծաղրանմանակումն անհնար է այն երկրում, որտեղ զինվորական էլիտան խաղում է բնավ ոչ վերջին դերը։

  • Ընթանում է «Մտքերի հայկական գագաթնաժողովը»
    2019-06-08 12:12

    Դիլիջանում մեկնարկել է «Մտքերի հայկական գագաթնաժողովը», որին ներկա են ՀՀ վարչապետ Նիկոլ Փաշինյանը, ՀՀ նախագահ Արմեն Սարգսյանը, ԿԲ նախագահ Արթուր Ջավադյանը:

  • Ընդունելություն ի պատիվ Armenian Summit of Minds գագաթնաժողովի մասնակիցների
    2019-06-08 09:15

    Ի պատիվ «Մտքերի հայկական գագաթնաժողով»-ի մասնակիցների՝ Հանրապետության նախագահ Արմեն Սարգսյանի անունից հունիսի 7-ին Դիլիջանում կազմակերպվել է ընդունելություն: Այս մասին «Արմենպրես»-ին տեղեկացրին Հայաստանի Հանրապետության նախագահի աշխատակազմի հասարակայնության հետ կապերի վարչությունից։