Ռուսաստանը մտադիր է վերականգնել Վրաստանի հետ ավիահաղորդակցությունը
Ռուսաստանի և Վրաստանի միջև ավիահաղորդակցությունը կարող է վերականգնվել, գրում է «Կոմերսանտ»-ը՝ վկայակոչելով Ռուսաստանի Դաշնության արտգործնախարարությունում աղբյուրի:
Աղբյուրի հաղորդմամբ՝ Մոսկվային բավարարել է վրացական «Ռուսթավի 2» հեռուստաալիքի հաղորդավար Գեորգի Գաբունիայի՝ Ռուսաստանի նախագահ Վլադիմիր Պուտինի հասցեին հնչեցրած անպարկեշտ արտահայտությունների վերաբերյալ պաշտոնական Թբիլիսիի արձագանքը:
ՌԴ ԱԳՆ-ում նշել են, որ եթե «ռուսատյացությունը Վրաստանում դադարի, իսկ երկրի իշխանությունները հետևողական լինեն», ապա չի բացառվում երկու երկրների միջև ավիահաղորդակցության վերականգնումը:
Բացի այդ, ռուսական կողմը պատրաստ է սկսել Վրաստանի քաղաքացիների համար վիզային ռեժիմի չեղարկման թեմայի շուրջ քննարկումները: Գերատեսչությունում նշել են, որ նախքան Թբիլիսիում հակառուսական ցույցերը՝ Վրաստանում վիզային ռեժիմի չեղարկման վերաբերյալ հրամանագիրը մշակվել էր և մնում էր միայն ստորագրել:
Ավելի վաղ Պուտինը, մեկնաբանելով Վրաստանի նկատմամբ տնտեսական սահմանափակումներ մտցնելու հնարավորությունը, հայտարարել էր. «Ես դա չէի անի՝ հենց վրաց ժողովրդի հանդեպ հարգանքից ելնելով»:
Վրաստանի ԱԳ նախարար Դավիթ Զալկալիանին ողջունել է Պուտինի հայտարարությունը։ «Ռուսաստանի նախագահի որոշումը միակն է և ճիշտը։ Այդ որոշումը կարելի է միայն ողջունել», - հայտարարել է նախարարը:
Հիշեցնենք, որ Թբիլիսիում հակառուսական բողոքի ակցիաների ֆոնին Ռուսաստանի Դաշնության նախագահ Վլադիմիր Պուտինը հրամանագիր էր ստորագրել, որը ռուսական ավիաընկերություններին արգելում է հուլիսի 8-ից սկսած ՌԴ քաղաքացիներին փոխադրել Վրաստանի տարածք: Նշվում է, որ հրամանագիրն ստորագրվել է Ռուսաստանի և նրա քաղաքացիների անվտանգության պահպանման նկատառումներով և գործելու է ժամանակավոր:
Սույն հրամանագրով տուրօպերատորներին խորհուրդ է տրվում արգելքի գործողության ժամանակահատվածում ուղեգրեր չվաճառել դեպի Վրաստան։ Այն նաև կառավարությանը կարգադրում է Վրաստանում գտնվող ՌԴ քաղաքացիներն օգնել, որպեսզի վերադառնան Ռուսաստան։
Ինչպես ավելի վաղ հայտնել էր tert.am-ը, կիրակի երեկոյան «Ռուսթավի 2» հեռուստաալիքի հեռուստահաղորդավար Գեորգի Գաբունիան իր «P.S.» հեղինակային ծրագիրը սկսել է ՌԴ նախագահի հասցեին հայհոյանքներ տեղալով: Մեծ թվով օգտատերեր քննադատել են Գաբունիային և մտավախություն հայտնել, որ վրաց-ռուսական հարաբերությունները կարող են է՛լ ավելի սրվել: Հեռուստաընկերության գլխավոր տնօրեն Նիկա Գվարամիան հայտարարել է, որ անթույլատրելի է համարում հայհոյանքը եթերում, թեև կիսում է հեռուստահաղորդավարի կարծիքը:
Վրաստանում մի քանի հարյուր մարդ եթերից հետո հավաքվել է «Ռուսթավի 2» հեռուստաընկերության շենքի մոտ՝ պահանջելով ազատել աշխատանքից հեռուստահաղորդավար Գեորգի Գաբունիային, որն ուղիղ եթերում հայհոյել ու վատ է արտահայտվել Ռուսաստանի Դաշնության նախագահի հասցեին: Այս առնչությամբ քննադատությամբ են հանդես եկել և՛ Վրաստանի նախագահ Սալոմե Զուրաբիշվիլին, և՛ երկրի ԱԳՆ-ն՝ քննադատելով հաղորդավարի ելույթը և այն սադրանք որակելով:
ПОСЛЕДНИЕ ОТ АВТОРА
-
2024-05-08 09:33
Иран и МАГАТЭ продолжат переговоры, направленные на выход из тупика по многим вопросам между ними, и должны заключить соглашение по пакету мер в ближайшее время, заявил во вторник глава МАГАТЭ Рафаэль Гросси, вернувшись из поездки по Ирану, сообщает Reuters.
-
2024-05-08 09:31
Католикос Великого Дома Киликийского Арам Первый, связавшись с Католикосом Всех армян Гарегином Вторым, выразил свою полную поддержку заявлению Верховного духовного совета о ситуации, сложившейся в Армении.
-
2024-05-08 09:27
Власти начали пропагандистскую кампанию против движения, возглавляемого святым Багратом, заявив, что в результате революции премьер-министром станет какой-то «плохой человек» (бывший президент, российский агент, ужас, все вместе и т. д.). Об этом на своей странице в Facebook пишет соучредитель партии «Страна для жизни» Месроп Аракелян.
-
2024-05-08 09:26
На оборонительном участке N-ской воинской части Минобороны 7 мая около 14:00 было обнаружено тело военнослужащего контрактной службы Артака Серёжаевича Аваляна 1985 года рождения с огнестрельным ранением, сообщает пресс-служба армянского оборонного ведомства.