ՀՀ ԱԳՆ․ Անկարան Ադրբեջանից ավելի շատ է շահագրգռված Հայաստանի տարածքով միջանցք բացելու հարցում
Հայտարարություններ են հնչում, որոնք հիմք են տալիս մտածելու, որ Թուրքիան ավելի շատ է շահագրգռված է Հայաստանի տարածքով արտատարածքային միջանցք բացելու հարցում, քան Ադրբեջանը։ Այս մասին հոկտեմբերի 20-ին կայացած ճեպազրույցում ասել է Հայաստանի արտգործնախարար Արարատ Միրզոյանը։
Նա նշել է, որ 4 հանդիպումների ընթացքում Հայաստանի և Թուրքիայի հատուկ բանագնացները առարկայական բանակցություններ են վարել դիվանագիտական հարաբերությունների հաստատման և սահմանների բացման շուրջ, որոնք փակվել են Թուրքիայի կողմից։
Միրզոյանը հիշեցրել է Անթալիայում և Պրահայում Թուրքիայի ԱԳՆ ղեկավարի, ինչպես նաև պետությունների ղեկավարների հետ ունեցած հանդիպումները։
«Գործընթացը դրական եմ համարում։ Հենանիշը դիվանագիտական հարաբերությունների հաստատումն ու սահմանների բացումն է։
Միաժամանակ մեր թուրք զրուցակիցներն այս գործընթացը պետք է ավելի քիչ կապեն հայ-ադրբեջանական բանակցային գործընթացի հետ։
Ընդհակառակը, նրանք պետք է գիտակցեն, որ հայ-թուրքական երկխոսության հաջողությունը կարող է դրական ազդեցություն ունենալ հայ-ադրբեջանական բանակցային գործընթացի վրա»,- ընդգծել է նախարարը։
News.am
