Լեհաստանն ու Գերմանիան պայմանավորվել են Patriot համակարգեր տեղակայել լեհ-ուկրաինական սահմանին
Լեհաստանը և Գերմանիան պայմանավորվել են լրացուցիչ Patriot համակարգեր տեղադրել լեհ-ուկրաինական սահմանի մոտ, ասվում է Լեհաստանի պաշտպանության նախարար Մարիուշ Բլաշչակի հայտարարության մեջ։
«Գերմանիայի պաշտպանության նախարարը հաստատել է Ուկրաինայի հետ սահմանին Patriot համակարգեր տեղադրելու իր պատրաստակամությունը»,- գրել է Բլաշչակը Twitter-ում։ «Համակարգի տարբերակը դեռ պետք է որոշվի, ինչպես նաև, թե որքան արագ դրանք կհասնեն մեզ և որքան դա կտևի»:
Բեռլինը Վարշավային առաջարկել է հակահրթիռային պաշտպանության Patriot համակարգ՝ նրա օդային տարածքի անվտանգությունն ապահովելու համար այն բանից հետո, երբ անցյալ շաբաթ երկրի տարածք մոլորված հրթիռ էր ընկել:
Գերմանիայի կառավարությունն արդեն հայտարարել է, որ միջադեպից հետո իր արևելյան հարևանին գերմանական Eurofighters կործանիչների միջոցով օդային տարածքը պաշտպանելու հետագա օգնություն կառաջարկի:
News.am