ANCA. Բայդենն ու Բլինքենը օգնում են Ալիևին ամրագրել այդ հանցագործությունը
ԱՄՆ նախագահ Ջո Բայդենը և պետքարտուղար Էնթոնի Բլինքենը, որոնք օգնել են Ադրբեջանին ցեղասպանություն իրականացնել Արցախում, այժմ օգնում են Ալիևի ռեժիմին ամրագրել այդ հանցագործությունը: Ամերիկայի Հայ դատի հանձնախմբում (ANCA) այսպես են մեկնաբանել Ադրբեջանում ԱՄՆ դեսպան Մարկ Լիբիի այցն օկուպացված Արցախի Շուշի քաղաք:
"Ցեղասպանական-տուրիզմ. մեր ամերիկյան դեսպանը ուրախությամբ շրջում է էթնիկ զտման ենթարկված Արցախում՝ կարգավորելով ( ԱՄՆ - ի կողմից սպառազինությունների շնորհիվ) բնիկ բնակչության ցեղասպանությունը: Բայդենն ու Բլինքենը, ովքեր օգնել են Ադրբեջանին իրականացնել այդ ցեղասպանությունը, հիմա էլԱլիևին օգնում են ամրագրել այդ հանցագործությունը", - նշել են ANCA-ում։
"Ցեղասպանության հետ կապված նման վարքագիծը իրականում պարգևատրվում է Պետդեպարտամենտում, որն, անկասկած, առաջ կտանի Լիբիին Արցախում ադրբեջանական ցեղասպանությանը ժպտերես հավանություն տալու համար: Նույնը վերաբերում է Հայաստանում նախկին դեսպան Լին Թրեյսիին, որը Ալիևի կողմից հայերի ցեղասպանության իրականացումից հետո բարձրացում է ստացել ", - հավելել են ANCA-ում։
Այսօր հայտնի է դարձել, որ Ադրբեջանում ԱՄՆ դեսպան Մարկ Լիբբին տիկնոջ հետ մայիսի 6-ին այցելել է Արցախի օկուպացված Շուշի: Ինչպես ասվում է Բաքվում ԱՄՆ դեսպանատան հաղորդագրության մեջ, դեսպանն ու նրա կինը ծանոթացել են քաղաքի տեսարժան վայրերին: "Ուրախ եմ, որ այսօր Շուշիում եմ ։ Գրեթե երկու ամիս մենք պատրաստվում էինք այս ուղևորությանը, և ես ուրախ եմ, որ այս ուղևորությունը վերջապես տեղի ունեցավ:.. Շնորհակալություն հյուրընկալության համար:.. "Անհամբերությամբ սպասում եմ Ադրբեջանի բոլոր շրջաններ իմ այցերի շարունակմանը", - ասվում է Լիբիի տեսաուղերձում, որը հրապարակվել է ԱՄՆ դեսպանատան թվիթերյան էջում: ԱՄՆ նախկին դեսպան Լի Լիտցենբերգերը հրաժարվել էր այցելել Շուշի։
Արմինֆո
