Ադրբեջանի երկրորդ առարկությամբ փորձ է արվում քննարկումից դուրս թողնել Հայաստանի որոշ պնդումներ՝ կոնվենցիայի խախտումների վերաբերյալ։ Այս մասին այսօր՝ ապրիլի 16-ին, ՄԱԿ-ի Արդարադատության միջազգային դատարանում այսօր՝ ապրիլի 16-ին, «Հայաստանն ընդդեմ Ադրբեջանի» գործով բանավոր լսումներին հայտարարեց պրոֆեսոր Պիեռ դ՛Արժանը։

Հայոց ցեղասպանության 1,5 մլն զոհի անուն–ազգանունների ցուցակ կազմելը Ցեղասպանության հետ կապված իրական հիմքերի կառուցում համարելը իշխանության կողմից Հայաստանի պետականության դեմ ուղղված քայլ է։ Այս մասին հայտարարություն է տարածել «Թաթոյան» հիմնադրամը։

Իրանից կամիկաձե դրոններով Իսրայելի տարածքի վրա հարձակումն ավելի շատ ցուցադրական բնույթ էր կրում։ Այս մասին Sputnik Արմենիայի հետ զրույցում ասաց իրանագետ Ժաննա Վարդանյանը։

Լեռնային Ղարաբաղից հայ բնակչության հեռանալուց հետո, տարածաշրջանում ռուս խաղաղապահների ներկայության պատճառներն ավելի քիչ են։ Газета.рu-ի հետ զրույցում նման կարծիք է հայտնել Պետդումայի ԱՊՀ հարցերով կոմիտեի նախագահի առաջին տեղակալ, պատգամավոր Կոնստանտին Զատուլինը։ Նրա խոսքով, Ադրբեջանը դեռ չի բարձրացրել զորքերը դուրս բերելու հարցը, որպեսզի Ռուսաստանը դա չընկալի որպես պարտություն կամ զիջում։

Իրանցիները շատ հստակ գիտակցում են, որ Մերձավոր Արևելքում, ցավալիորեն, հասկանում են միայն ուժի լեզուն, իսկ վրիժառությունը դիտարկվում է պարտադիր պայման բոլոր արժանապատիվ պետությունների համար: Այս մասին իր տելեգրամ ալիքում գրել է իրանագետ, ԵՊՀ իրավագիտության ամբիոնի վարիչ Վարդան Ոսկանյանը:

Ռուս ռազմական վերլուծաբան Ալեքսեյ Լեոնկովը Alpha News-ի հետ զրույցում մեկնաբանել է ՀՀ վարչապետ Նիկոլ Փաշինյանի այցը Բրյուսել և Հայաստան վերադառնալուց հետո նրա արած հայտարարությունները, թե ո՛չ ԵՄ-ն, ո՛չ ԱՄՆ-ն չեն օգնի Հայաստանին:

Օտարերկրացի բազմաթիվ զբոսաշրջիկները, այցելելով Լեռնային Ղարաբաղի (Արցախի) մայրաքաղաք Ստեփանակերտ, ապշում էին նրա փողոցների մաքրությամբ ու կոկիկությամբ. դրանք վաղ առավոտից խնամքով մաքրում ու լվանում էին, ասես մարդիկ տոնի էին պատրաստվում։ Եվ իսկապես, այդպիսի մաքրությունը ուրախ ու լուսավոր տրամադրություն էր պարգևում։ Ծխախոտի քնթուկներ անգամ անհնար էր գտնել մայթերին ու շենքերի բակերում։ Ստեփանակերտցիների մաքրասիրությունն արտահայտվում էր ոչ միայն փողոցներում աղտեղությունների բացակայությամբ, այլև անմաքուր մտքերի ու արարքների բացառումով, ավանդական հյուրընկալությամբ, որը հրապուրում էր զբոսաշրջիկներին աշխարհի տարբեր անկյուններից:

Հայաստանում ԵՄ դիտորդներն օրերս այցելել էին Ոսկեպար: Ընդ որում, այցելել են՝ շրջանցելով Երևան-Նոյեմբերյան ճանապարհի մի շարք հատվածներ և Ոսկեպար են հասել Ալավերդիով։ Մենք տեղեկացանք, որ ոսկեպարցիները, տեղեկանալով դիտորդների այցի մասին, շտապել են հանդիպել նրանց, սակայն երբ դիտորդները հայտնել են, որ իրենք Իջևան-Ոսկեպար ճանապարհը շրջանցել են, քանի որ այդ և հարակից տարածքները, իրենց կարծիքով, ադրբեջանական են, թեժ վեճ է ծավալվել ոսկեպարցիների և ԵՄ դիտորդների միջև: Ոսկեպարցիները դիտորդներին ուղղակի վռնդել են՝ ասելով, որ թույլ չեն տա իրենց հայրենի հողն ադրբեջանական համարել։

Freedom House միջազգային իրավապաշտպան կազմակերպությունը հրապարակել է իր Nations in Transit 2024 («Ազգերը տարանցման մեջ 2024») տարեկան զեկույցը, որում Հայաստանում ժողովրդավարական կառավարման ազգային վարկանիշի անկում է նշել։