Բեռնափոխադրումների այլընտրանքային միջանցքը, որի մասին հայտարարեցին Ադրբեջանն ու Հայաստանը, չի սպառնում Վրաստանի տարանցիկ ներուժին։
Ինչպես հայտնում է ABC.AZ-ը, այդ մասին հայտարարել է Վրաստանի վարչապետ Իրակլի Կոբախիձեն՝ մեկնաբանելով Ադրբեջանի նախագահ Իլհամ Ալիևի և Հայաստանի նախագահ Վահագն Խաչատուրյանի՝ Բաքվի և Երևանի միջև հնարավոր ուղիղ բեռնափոխադրումների մասին Դավոսում արված հայտարարությունները՝ երկկողմ հարաբերությունների բարելավման ֆոնին։
Ըստ Կոբախիձե, այլընտրանքային երթուղին վտանգ չի ներկայացնում Վրաստանի համար։
«Կա պարզ ցուցանիշ, որը դա հաստատում է․ վերջին հինգ տարում բեռնափոխադրումների ծավալները Միջին միջանցքով աճել են յոթ անգամ։ Այս պայմաններում մեր հիմնական խնդիրն է առավել արդյունավետ օգտագործել առկա ենթակառուցվածքը՝ աճող բեռնաշրջանառությանը համապատասխանելու համար։ Նման աճի ֆոնին այլընտրանքային միջանցքը պարզապես հավելում կլինի մեր տարանցիկ գործառույթին», — ընդգծել է Վրաստանի կառավարության ղեկավարը։
Նշվում է, որ անցած տարվա վերջից Ադրբեջանը արդեն իրականացնում է նավթամթերքների մատակարարումներ Հայաստան՝ Վրաստանի տարածքով, փոխանցում է Georgia Online-ը։
News.am
