2024-02-02 16:50
Информагентства
«Մայր Հայաստան»․ Փաշինյանը վաղը կասի, որ հանուն խաղաղության Երևանը պետք է հանձնվի
Ալիևի օրակարգը սպասարկող Փաշինյանը պատրաստվում է փոխել Հայաստանի Սահմանադրությունը, ինչը կնշանակի մեր պետության հիմքերի վերացում։ Այս մասին փետրվարի 2-ին լրագրողների հետ զրույցում ասաց «Մայր Հայաստան» դաշինքի ղեկավար Անդրանիկ Թևանյանը։
Նրա խոսքով՝ այս պայմաններում Հայաստանի իշխանություններն անօրինական կերպով պայքարում են իրենց կողմից չվերահսկվող ընդդիմադիր ուժերի դեմ։
«Նախկինում Փաշինյանն ասում էր, որ Արցախը պետք է հանձնել խաղաղության համար, հիմա խոսում է Սահմանադրությունը փոխելու մասին, իսկ վաղը կասի, որ պետք է հանձնենք Երևանը, որ խաղաղություն լինի։ Բայց խաղաղություն չի լինի, և Ալիևը դա չի թաքցնում։ Թուրքիան և Ադրբեջանը իրենց պայմաններն են պարտադրում Փաշինյանին, ով այս կամ այն քայլերին է գնում սեփական կաշին փրկելու համար»,- նշեց քաղաքական գործիչը։
Նա հավելեց, որ Փաշինյանի կուսակցությունը պատերազմի և պարտության կուսակցություն է։
«Խաղաղության հասնելու հնարավորություններ կան։ Դա կարելի է անել իրական, բնական դաշնակիցների հետ հարաբերությունների վերականգնմամբ, բանակի մարտունակության վերականգնմամբ և երկրի ներքին կյանքի բարելավմամբ»,- ընդգծեց Թևանյանը։
Ըստ նրա՝ 2022 թվականից Փաշինյանն արդեն վարել է Արցախի մնացած հատվածը հանձնելու քաղաքականություն, որն էլ ավելի մեծ լկտիություն է սերմանել Ադրբեջանում։
«Դեռևս 2022 թվականի ապրիլից առաջ Փաշինյանը հայտնել էր, որ ճանաչում է Արցախը որպես Ադրբեջանի մաս, և ապրիլից սկսել է քարոզարշավ իրականացնել այս հարցի շուրջ՝ հայտարարելով նշաձողն իջեցնելու պատրաստակամության մասին։ Մայիսին սկսվեցին անհնազանդության գործողություններ, որոնք հետաձգեցին Արցախի հանձնումը։ Արցախի նախագահ Արայիկ Հարությունյանը չի միացել այս գործընթացին։ Սեպտեմբերին Հայաստանի հետ սահմանին բախումներ սկսվեցին, որոնց նպատակն էր հիշեցնել Փաշինյանին իր խոստումների մասին և վախեցնել հասարակությանը պատերազմով։
Սրանից հետո՝ հոկտեմբերին, Փաշինյանը Արցախը ճանաչեց որպես Ադրբեջանի մաս։ Որոշ ժամանակ անց հաջորդեցին շրջափակումներն ու էթնիկ զտումները։ Այս անգամ Հայաստանի իշխանությունները որպես մեղավոր անվանեցին մեր դաշնակցին։ Հիմա Սահմանադրությունն է մեղավոր»,- եզրափակեց Թևանյանը։
News.am
ПОСЛЕДНИЕ ОТ АВТОРА
-
New2025-06-23 16:28Сошлись два события, и случайности в этом нет. Пашинян поехал к Эрдогану обсуждать открытие «Зангезурского коридора». А Иран, в числе прочих мусульманских стран, включая и партнеров Армении по «замороженному» ею ОДКБ, проголосовал на саммите Организации исламского сотрудничества за резолюцию, написанную в Баку, - о возвращении «западных азербайджанцев» на родину.
-
New2025-06-23 16:26Российская сторона будет консультироваться с руководством Армении с целью совместных действий по нейтрализации рисков, связанных с ирано-израильской эскалацией. Об этом заявил советник-посланник посольства России в Армении Дмитрий Лицкай в ходе научной конференции в Ереване, организованной представительством Россотрудничества.
-
New2025-06-23 16:24Греческие силы правопорядка задержали в минувшее воскресенье 26‑летнего мужчину по подозрению в шпионаже, пишет газета Kathimerini.
-
New2025-06-23 16:21Израильские военные нанесли удар по окрестностям иранского ядерного объекта в Фордо. Об этом сообщила армейская пресс-служба.