2024-09-14 09:16
Информагентства
Human Rights Watch. Ադրբեջանը սաստկացնում է քննադատողների նկատմամբ բռնաճնշումները
Ադրբեջանական իշխանությունները ձերբակալել են քաղաքական վերլուծաբան Բահրուզ Սամեդովին դավաճանության կեղծ մեղադրանքներով՝ իրենց քննադատողների նկատմամբ իշխանությունների ուժեղացված ճնշումներիընթացքում, հայտնում է Human Rights Watch-ը:
Սամեդովը հետապնդման է ենթարկվել COP29-ի՝ ՄԱԿ-ի կլիմայական գլոբալ գագաթնաժողովից առաջ, որը տեղի կունենա 2024 թվականի նոյեմբերին Ադրբեջանում։
Հուլիսին իշխանությունները ձերբակալել էին մեկ այլ գիտնականի՝ Իգբալ Աբիլովին՝ նույնպես դավաճանության կեղծ մեղադրանքով: Դատարանները երկուսին էլ չորս ամսով բանտարկել են։ Մեղավոր ճանաչվելու դեպքում նրանց սպառնում է երկարաժամկետ կամ նույնիսկ ցմահ ազատազրկում։ Սամեդովի և Աբիլովի ձերբակալությունները վերջինները դարձան երկրում քննադատաբար տրամադրված անձանց դեմ ուղղված ձերբակալությունների ապշեցուցիչ շարքում:
Ադրբեջանի իշխանությունները անողոք հարձակում են իրականացնում այլախոհների վրա, և Սամեդովի և Աբիլովի ձերբակալությունները այս բռնաճնշումների վերջին օրինակներն են։
Ադրբեջանի թշնամական վերաբերմունքը քաղաքացիական հասարակության անկախ ակտիվիստների նկատմամբ լուրջ մտահոգություններ է առաջացնում այն մասին, թե արդյոք իրավապաշտպանները, գիտնականները, լրագրողները և քաղաքացիական հասարակության այլ անկախ անդամներ կկարողանան գիտակցված մասնակցություն ունենալ COP29-ին:
29-ամյա Սամեդովը պարբերաբար հոդվածներ է գրում միջազգային և տարածաշրջանային բազմաթիվ պարբերականների համար՝ հաճախ քննադատական հոդվածներ է գրում Ադրբեջանում տեղի ունեցող քաղաքական իրադարձությունների մասին: Նա նաև բացահայտ քննադատել է Ղարաբաղյան երկրորդ պատերազմը, որը տեղի է ունեցել 2020թ.-ին։
Իշխանությունները Սամեդովին ձերբակալել են օգոստոսի 21-ին, երբ նա Բաքու էր ժամանել ամառային արձակուրդներին՝ տատիկի հետ ժամանակ անցկացնելու համար։ Պետական անվտանգության մի քանի աշխատակիցներ խուզարկել են նրա տունը և առգրավել երկու բջջային հեռախոս, երկու նոութբուք, համալսարանի դիպլոմներ և Սամեդովի անձը հաստատող փաստաթուղթ։
Իշխանությունները Սամեդովին մեղադրել են պետական դավաճանության մեջ։ Իշխանությունները պնդում են, որ Սամեդովը գաղտնի տեղեկատվություն է փոխանցել Հայաստանի քաղաքացիներին և գործել նրանց հրահանգով:
Սամեդովը կտրականապես հերքել է մեղադրանքները։ Նա ասել է նաև, որ ինքը «խաղաղության բանտարկյալ է», քանի որ կտրականապես դեմ է պատերազմին և դրա պատճառով մարդկային կորուստներին։
Սամեդովը այն քչերից մեկն էր, որը համարձակվեց քննադատել 2020 թվականին Լեռնային Ղարաբաղում Ադրբեջանի իշխանությունների ռազմական գործողությունը։ Նրան «դավաճան» էին անվանում ու հետապնդում։
Հուլիսի 22-ին իշխանությունները ձերբակալել են էթնիկ թալիշ փոքրամասնության ներկայացուցիչ, 34-ամյա Իգբալ Աբիլովին: Նա 2010 թվականին ստեղծված Թալիշի ազգային ակադեմիայի հիմնադիրներից է և նրա համանուն պարբերականի գլխավոր խմբագիրը։
COP29-ին նախորդող տարվա ընթացքում իշխանությունները ձերբակալել են ավելի քան 30 անկախ լրագրողների, քաղաքացիական հասարակության ակտիվիստների և գիտնականների՝ տարբեր կեղծ քրեական մեղադրանքներով:
Ադրբեջանը պետք է ազատ արձակի անարդարացիորեն բանտարկվածներին և վերջ դնի բռնաճնշումներին։ Իշխանությունները պետք է երաշխավորեն, որ ակտիվիստները, իրավապաշտպանները և լրագրողները կկարողանան բովանդակալից մասնակցություն ունենալ COP29-ից առաջ, ընթացքում և հետո:
News.am
ПОСЛЕДНИЕ ОТ АВТОРА
-
New2025-06-09 14:31Иеромонах Асохик Карапетян заявил, что против Армянской Церкви готовится террор на государственном уровне, а компетентные органы бездействуют.
-
New2025-06-09 13:57На данный момент нет никаких обсуждений и инициатив вокруг вопроса введения церкви в налоговое поле. Об этом заявил в беседе с журналистами 9 июня глава Комитета государственных доходов Армении Эдуард Акопян.
-
New2025-06-09 13:55Депутат от фракции «Армения» Артур Хачатрян не исключает провокации и подлых выходок властей Армении в отношении Армянской Апостольской Церкви. Об этом Хачатрян заявил в беседе с журналистами 9 июня, отвечая на вопрос о нападках премьер-министра Никола Пашиняна на Католикоса всех армян Гарегина Второго.
-
New2025-06-09 13:53Полиция задержала по меньшей мере 56 человек в Лос-Анджелесе за прошедшие выходные в ходе беспорядков, которые происходят на фоне протестов против высылки нелегальных иммигрантов. Об этом правоохранители сообщили на пресс-конференции.