2020-11-26 11:16
Информагентства
ՌԴ ԱԻՆ-ը գնահատել է Ստեփանակերտի, Մարտակերտի, Մարտունու և Ասկերանի ենթակառուցվածքներին հասցված վնասը
Ռուսաստանի արտակարգ իրավիճակների նախարարության մասնագետներն ավարտել են Լեռնային Ղարաբաղ հասցված մարդասիրական օգնության բեռնաթափումը և հետևում են դրա բաշխմանը տներով և սոցիալական նշանակության օբյեկտներով, հայտնում է ՏԱՍՍ-ը` վկայակոչելով գերատեսչության մամուլի ծառայությունը:
«Ռուսաստանի ԱԻՆ խումբը, որը մարդասիրական առաքելություն է իրականացնում Լեռնային Ղարաբաղում, ավարտել է հասցված նյութերի բեռնաթափումը: Ներկայումս ընթանում է բեռների բաշխումը բնակելի շենքերով և սոցիալական նշանակության օբյեկտների հասցեներով»,- ասել են մամուլի ծառայությունում` շեշտելով, որ նյութերը կօգնեն Ստեփանակերտին արագ վերականգնվել մինչ ցուրտ եղանակների սկսվելը:
Բացի այդ, ՌԴ ԱԻՆ աշխատակիցները քաղաքապետարանների ներկայացուցիչների հետ միասին գնահատել են Ստեփանակերտի, Մարտակերտի, Մարտունու և Ասկերանի ենթակառուցվածքներին հասցված վնասը: Ստուգվել է 43 բնակավայր, հետազոտվել է ավելի քան 2.6 հազար օբյեկտ, որից ավելի քան 2.4 հազար բնակելի շենք, այդ թվում` բազմաբնակարան, և ավելի քան 220 սոցիալական նշանակության օբյեկտ: «Այսօրվա դրությամբ վնասված շենքերի ստուգումն ավարտված է»,- ընդգծել են մամուլի ծառայությունում:
Միևնույն ժամանակ, Ռուսաստանի արտակարգ իրավիճակների նախարարությունը բարեկարգել է փրկարարների ճամբարը, կազմակերպել է ժամանած անձնակազմի և սարքավորումների տեղակայումը:
Ռուս փրկարարները երկու շարասյունով ավելի քան 300 տոննա շինանյութ են հասցրել Լեռնային Ղարաբաղի մայրաքաղաք: Դա փայտանյութ և ապակի է, որոնք այստեղ անհրաժեշտ են առաջին հերթին. ցրտերն արդեն սկսվել են` չնայած ցերեկն արևոտ է: Ուստի ՌԴ ԱԻՆ վարորդները, ովքեր 1700 կմ ճանապարհ են անցել մինչև Ստեփանակերտ, ժամանման օրը շինանյութերը հասցրել են դրանց բաշխման վայրեր: Ապակիները սկսել են տեղում կտրատել, իսկ տախտակները հասցվել են հասցվել են հասցեներով, որտեղ տներ են վերանորոգվում, տեղեկացնում է News.am-ը:
ПОСЛЕДНИЕ ОТ АВТОРА
-
New2025-06-20 06:07Новым главой разведки Корпуса стражей исламской революции Ирана (КСИР, часть вооруженных сил Ирана) стал Маджид Хадеми. Об этом сообщает агентство Fars.
-
New2025-06-20 06:02Президент США Дональд Трамп в ближайшие две недели примет решение по возможной атаке на Иран. Об этом заявила пресс-секретарь Белого дома Каролин Левитт.
-
New2025-06-20 05:59Иран намерен предпринять юридические шаги в ответ на бездействие гендиректора Международного агентства по атомной энергии (МАГАТЭ) Рафаэля Гросси в связи с ударами Израиля по ядерным объектам Исламской республики. Это следует из письма главы Организации по атомной энергии Ирана Мохаммада Эслами, адресованного гендиректору МАГАТЭ, сообщает РИА Новости.
-
New2025-06-20 05:55"Суд" над армянскими пленными, включая бывшее военно-политическое руководство Нагорного Карабаха, продолжился в четверг в Баку.