2020-12-09 16:32
Информагентства
Ֆիննախ․ Հայաստանի տնտեսության վրա կորոնավիրուսի բացասական ազդեցությունը չի ավարտվել
Հայաստանի տնտեսության վրա կորոնավիրուսի բացասական ազդեցությունը չի ավարտվել, սակայն 2021 թվականին կարելի է ակնկալել վերականգնում: Այս մասին դեկտեմբերի 9-ին Ազգային ժողովի նիստում 2021 թվականի բյուջեի նախագծի քննարկման ժամանակ ասաց ֆինանսների նախարար Ատոմ Ջանջուղազյանը, տեղեկացնում է News.am-ը:
Նրա խոսքով՝ 2020 թվականը ավելի լավատեսորեն էր նախատեսվել, քան սպասվում էր, սակայն կորոնավիրուսը, իսկ այնուհետև նաև պատերազմը կատարեցին իրենց բացասական շտկումները:
Նախարարը նշեց նաև, որ կորոնավիրուսը ցնցում էր ամբողջ աշխարհի համար, և եթե մինչ այդ աշխարհի գրեթե բոլոր երկրներում կանխատեսվում էր տնտեսության աճ, ապա արդեն վերանայված կանխատեսումները միանգամայն հակառակ պաատկեր ունեն. ի հայտ են գալիս վատթարացման միտումներ և ռիսկերի աճ: «Մենք չենք կարող համարել, որ կորոնավիրուսի բացասական ազդեցությունն անցել է: Սպասվում է, որ վերականգնումը կսկսվի 2021 թվականից, բայց կոնկրետ երբ կսկսվի և որքան կտևի, առայժմ հայտնի չէ»,- ասաց Ջանջուղազյանը:
Ընդ որում՝ նա շեշտեց, որ բացասական հետևանքների են հանգեցրել նաև Ղարաբաղում Ադրբեջանի սանձազերծած ռազմական գործողությունները: «Նման պայմաններում մենք երկու անգամ վերանայել ենք 2021 թվականի պետական բյուջեի նախագիծը, սակայն ոչ մի անգամ չենք քննարկել ծախսերի կրճատման մասին առաջարկները»,- նշեց ֆինանսների նախարարը:
Նշենք, որ ըստ Ազգային վիճակագրական կոմիտեի տվյալների՝ 2020 թվականի 3-րդ եռամսյակում երկրի ՀՆԱ-ն, նախնական տվյալներով, գրանցել է 9,1 տոկոս անկում՝ 2019 թվականի նույն ժամանակահատվածի համեմատությամբ: Ի սկզբանե 2020 թվականին տնտեսական աճը նախատեսված էր 4,8 տոկոս, սակայն ավելի ուշ, հաշվի առնելով հանգամանքները, վերանայվեց տարվա արդյունքներով 6 տոկոս անկման ուղղությամբ: Այդուհանդերձ, վերջին կանխատեսումներով՝ անկումը կարող է հասնել 7,9 տոկոսի:
2021 թվականի պետական բյուջեի նախագծում տնտեսական աճը նախատեսված է 3,2 տոկոս, իսկ ինֆլյացիան՝ 4 տոկոս (±1,5 տոկոս):
ПОСЛЕДНИЕ ОТ АВТОРА
-
2025-05-16 19:48Только что прослушал последнюю беседу Никола Пашиняна с азербайджанским журналистом относительно мирного соглашения между Арменией и Азербайджаном. Пашинян также встретился с президентом Азербайджана в Тиране (Албания). Не сомневаюсь, что и эта встреча прошла в том же духе, с позиции покорного просителя, лишенного достоинства, национальной гордости и даже самой элементарной дипломатической решимости. Об этом написал на своей странице в Facebook экс-министр иностранных дел Армении Вардан Осканян.
-
2025-05-16 19:46По предварительным данным, в результате аварии с участием автобуса маршрута №23 пострадали 8 граждан. Министерство здравоохранения сообщает, что 6 взрослых были доставлены в медицинский центр и в настоящее время проходят обследование.
-
2025-05-16 19:39Католикос Арам I провел встречу с делегацией высокопоставленных священнослужителей, представляющих Патриарха Московского и всея Руси Кирилла. Об этом сообщает католикосат Великого Дома Киликийского
-
2025-05-16 19:38Мировой порядок сегодня превратился в глобальный беспорядок, а история, которую считали закончившейся, «снова возобновилась». Такое мнение высказала глава Еврокомиссии Урсула фон дер Ляйен, выступая с речью на шестом саммите Европейского политического сообщества в Тиране.