Կարին ՏՈՆՈՅԱՆ. ՉՊԵՏՔ Է ԹՈՒՅԼ ՏԱԼ, ՈՐ ՍԳՈ ՕՐՆ ԱՅՍ ԻՇԽԱՆՈՒԹՅՈՒՆԻՑ ՈՐԵՎԷ ՄԵԿԸ ԵՌԱԲԼՈՒՐ ԲԱՐՁՐԱՆԱ
«Հայ ասպետ» կրթադաստիարակչական բարեգործական հիմնադրամի հիմնադիր- տնօրեն, Արցախի զոհված հերոս Մենուա Հովհաննիսյանի մայրը՝ Կարին Տոնոյանը կոչ է անում բոլոր մայրերին, հայրերին, քույրերին, եղբայրներին, որոնք կորցրել են հարազատներին, ունեն վիրավորներ, չմասնակցել դեպի Եռաբլուր երթին:
Հիշեցնենք, որ դեկտեմբերի 19-ին լրանում է ռազմական գործողությունների ավարտի 40-րդ օրը: Հայաստանի ու Արցախի ղեկավարությունը որոշել են դեկտեմբերի 19-ից եռօրյա սուգ հայտարարել, կազմակերպել հիշատակի երթ դեպի Եռաբլուր, հիշատակի այլ միջոցառումներ:
«Երկրի հարցը» հաղորդման ժամանակ Կարին Տոնոյանը նշում է, որ չի մասնակցելու այդ երթին:
«Կոչ կանեմ բոլոր այն մայրերին, հայերին, քույրերին, եղբայրներին, որոնք կորցրել են հարազատ, ունեն վիրավորներ, թույլ չտալ ցնծալ մեր սգի վրա: Այդ օրը մեր զավակների 40 օրը չէ, մեր զավակներից շատերին մենք դեռ չենք ստացել: Այդ օրն իրենց ծրագրած պարտության՝ Ադրբեջանի դրոշի օրը Ադրբեջանին նվեր անելու քառասունքն է լրանում:
Մեր կորուստը, սուգն իրենց համար խրախճանք է, իրենք դրանով պարզապես նորից մեզ ծաղրելու են: Եռաբլուր կարելի է գնալ ամեն օր: Մենք արդեն երեք ամիս է սգի մեջ ենք:
Որևէ մեկը, ով այդ օրը Եռաբլուր կգնա, ուրեմն մասնակից կդառնա այդ սարսափելի ծրագրի ևս մեկ հատվածի:
Խնդրում եմ, դիմում եմ բոլորին՝ նախ թույլ չպետք է տալ, որ այս իշխանությունից որևէ մեկը Եռաբլուր բարձրանա և իրենք էլ չպետք է գնան:
Նախ եկեք սպասենք, որ մեր որդիներին վերադարձնենք և բոլորին հողին տանք, քանի որ մեր որդիները, որոնք ընկել են, արդեն բոլորի զավակներն են, միայն իմը չեն, հայրենիքի զավակներն են»,- ասում է «Հայ ասպետ» կրթադաստիարակչական բարեգործական հիմնադրամի հիմնադիր- տնօրեն, «Որդուս» սոցիալ-կրթական հասարակական կազմակերպության նախագահ Կարին Տոնոյանը:
Իրավապաշտպան Ավետիք Իշխանյանն արձագանքել է Կարին Տոնոյանի կոչին:
«Լսեցի Կարին Տոնոյանի «Երկիր Մեդիային» տված, ահավոր հուզիչ հարցազրույցը։ Տիկին Տոնոյանը պատերազմին որդի է նվիրել, բայց զարմանալիորեն չի կոտրվել և շարունակում է հավատալ Արցախի ազատությանը։ Իսկական հայ տիկնոջ իդեալական կերպար։
Տիկին Տոնոյանը, շատ կարևոր ուղերձ հղեց հանրությանը․ թույլ չտալ բռնապետիկին երթով այցելել և պղծել Եռաբլուրը։ Միանգամայն համաձայն եմ, այդ անձը չունի խիղճ, զգացմունք, զոհերը նրա համար ոչինչ են, նրա «խոնարհումը» կեղծ է, ինչպես նրա ցանկացած խոսք և գործ։
Հարգելի արժանապատվություն ունեցող հայաստանցիներ, լսենք որդեկորույս, բայց ազգային արժանապատվությամբ դիմադրող, պայքարող տիկին Տոնոյանի կոչին և արգելափակենք հայրենիքը թշնամուն նվիրած բռնապետիկի հերթական կեղծարարությանը»,- գրել է Ա. Իշխանյանը:
ПОСЛЕДНИЕ ОТ АВТОРА
-
2024-05-15 19:45
На участке, ведущем от села Азатамут Тавушской области к азербайджанскому Газаху, осуществляется усиленный контроль военной полиции. Местные жители предполагают, что в эти минуты проходит встреча должностных лиц двух стран. Утром местные жители видели государственные машины, направлявшиеся к азербайджанской границе.
-
2024-05-15 19:42
Протестное движение "Тавуш во имя Родины" является надпартийным, считает бывший вице-спикер парламента, представитель Республиканской партии Армении Эдуард Шармазанов.
-
2024-05-15 19:39
Следующие несколько часов станут решающими для премьер-министра Словакии Роберта Фицо. Об этом говорится в заявлении партии Smer, которую возглавляет Фицо.
-
2024-05-15 19:35
Я был предстателем Канадской епархии 10 лет. Там любые вопросы, связанные с церковным материалом, деньгами и расходами, проходят по следующим каналам – епархиальный совет, депутатское собрание, членское собрание, инспекция. Об этом заявил в беседе с журналистами во время акции протеста 15 мая предстоятель Тавушской епархии Армянской апостольской церкви, архиепископ Баграт Галстанян, касаясь слухов, связанных с получением им денег и не осуществлением строительства церкви в Канадской епархии.