2020-12-29 17:43
Информагентства
Մահացել է Պիեռ Կարդենը
Կյանքից հեռացել է նորաձևության աշխարհի կարկառուն դեմքերից մեկը` Պիեռ Կարդենը։ Տեղեկությունը հայտնում է AFP–ն։ Կարդենը 98 տարեկան էր դարձել այս տարվա հուլիսին։
Նա մահացել է Փարիզի արևմուտքում գտնվող հիվանդանոցում։
Պիեռ Կարդենը 14 տարեկանից ուսումնասիրել է շինարարության և նորաձևության հիմունքները: 1939 թվականին տանից հեռանալով, մեկնել է Վիշի, որտեղ աշխատել է որպես դերձակ` կարելով հագուստներ հիմնականում կանանց համար: Երկրորդ համաշխարհային պատերազմի տարիներին աշխատել է Կարմիր խաչում: Պատերազմից հետո, 1945 թվականին տեղափոխվել է Փարիզ, որտեղ ուսումնասիրել է ճարտարապետություն և աշխատել նկարիչ-ձևավորող Ժաննա Պակենի նորաձևության տանը: Նա աշխատել է նաև Էլզա Սկիապարելլիի հետ, իսկ 1947 թվականից` Քրիստիան Դիորի մոտ: 1946 թվականին ստեղծել է Ժան Կոկտոյի «Գեղեցկուհին և հրեշը» կինոնկարի հանդերձանքը: 1950 թվականին հիմնադրել է իր սեփական նորաձևության տունը: Սկսնակ դիզայներին Քրիստիան Դիորը խորհուրդ է տվել. «Վաճառիր թանկ, քանի որ տաղանդը պետք է գնահատվի»:
Պիեռ Կարդենն ավելի քան 500 գյուտ է արտոնագրել նորաձևության բնագավառում: Դրանցից են գունավոր զուգագուլպաները և բարձր կրկնակոշիկները, ծաղկավոր փողկապները, առանց օձիքի երկար պիջակները, կոճակներով նեղ տաբատները` սկզբնապես նախատեսված «Բիթլզ» խմբի համար և այլն: Նա առաջիններից մեկն էր, որ զբաղվեց ջինսե հագուստների ուղղությամբ և երեխաների ու երիտասարդների հագուստներով: Նա առաջիններից մեկը սկսեց իր հագուստներն ու օծանելիքները վաճառել առավել ցածր գներով` դրանք հասանելի դարձնելով սպառողների լայն շրջանակների համար: Բացի այդ, Պիեռ Կարդենը զբաղվել է կահույքի, ավտոմեքենաների և ինքնաթիռների սրահների դիզայնով:
Պիեռ Կարդենը Փարիզի հանրահայտ «Մաքսիմ» ռեստորանի և համանուն առևտրային ապրանքանիշի սեփականատերն էր: 1970 թվականին որպես սեփականություն ձեռք էր բերել Փարիզի Café des Ambassadeurs թատերական համալիրը և իր պատվին վերանվանել Espace Pierre Cardin: Որպես Մառլեն Դիտրիխի վերջին համերգային շրջագայության պրոդյուսեր, ելույթների համար նրան էր տրամադրել այդ համալիրի համերգային դահլիճը: Տարիների ընթացքում Պիեռ Կարդենը Փարիզի 8-րդ շրջանում և Ելիսեյան պալատի շրջակայքում ձեռք էր բերել բազմաթիվ անշարժ գույք:
Պարգևատրվել է մի շարք ֆրանսիական և արտասահմանյան մրցանակներով ու պարգևներով, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2025-05-01 16:181 мая в Ереване прошла конференция на тему «Реализация закона о конфискации имущества незаконного происхождения в контексте постановления Конституционного суда №1776». В ходе мероприятия ряд известных юристов, адвокатов и международных экспертов подвергли серьезной критике как сам закон, так и практику его применения. В центре обсуждений оказались правовые коллизии, угрожающие конституционному порядку, правам человека и авторитету судебной системы.
-
New2025-05-01 15:26Сегодня утром в Иране, в провинции Хорасан произошло землетрясение магнитудой 5 баллов. В результате пострадали 19 человек, зафиксированы незначительные разрушения. В настоящее время на местах ведутся оценочные работы. Губернатор округа призвал жителей сохранять спокойствие и соблюдать рекомендации по безопасности в случае повторных подземных толчков. Новости Армении – NEWS.am
-
New2025-05-01 15:25В связи с новым обострением напряженности между Индией и Пакистаном правительство в Нью-Дели вечером в среду приняло решение полностью закрыть воздушное пространство для пакистанских авиакомпаний.
-
New2025-05-01 15:23Гражданская инициатива «Мост» и Всеармянский молодежный союз «Армения-Арцах» подписали меморандум о сотрудничестве.