2021-01-27 19:06
Информагентства
Միջազգային միջոցառումները կուղղորդվեն տարվա երիտասարդական մայրաքաղաք Կապան
Սյունիքի մարզկենտրոն Կապանը 2021 թվականին լինելու է երիտասարդական միջոցառումների կենտրոն: Տարվա երիտասարդական մայրաքաղաք դարձած Կապանում այս տարի անցկացվելու են ոչ միայն տեղական, այլև միջազգային բնույթի միջոցառումներ:
«Արմենպրես»-ի մամուլի սրահում հրավիրված ասուլիսում ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը նշեց, որ ԱՊՀ երիտասարդության խորհրդի նիստում հաստատվել է ԱՊՀ երիտասարդության հարցերով խորհրդի նիստը և «100 գաղափար ԱՊՀ-ի համար» ծրագրի միջազգային փուլը Հայաստանի Հանրապետությունում իրականացնելու՝ մեր երկրի ստանձնած հանձնառությունը: Այս միջոցառումները նախատեսվում է իրականացնել երիտասարդական մայրաքաղաքում:
«Արդեն ունենք պայմանավորվածություն Կապանի քաղաքապետարանի մեր գործընկերների հետ: Կապանը դեռ 2020 թվականին պետք է երիտասարդական մայրաքաղաք լիներ: Համավարակով ու պատերազմով պայմանավորված՝ միջոցառումները չկայացան, որոշում կայացվեց, որ քաղաքը 2021-ին նույնպես լինի տարվա երիտասարդական մայրաքաղաք»,-ասաց Արթուր Մարտիրոսյանը:
Տարվա ընթացքում նախատեսվում է նշված միջազգային միջոցառումներից բացի, Կապանում նշել Կամավորության օրը, այնտեղ կազմակերպել երիտասարդ աշխատողների վերապետրաստում: Առիթից օգտվելով՝ Արթուր Մարտիրոսյանը երիտասարդական կազմակերպություններին, միջազգային կառույցներին կոչ արեց այս տարվա ծրագրերը կազմելիս ուշադրություն դարձնել Կապանին, շատ կարևոր է, որ երիտասարդական մայրաքաղաքի երիտասարդներն զգան, որ 2021-ն իրենց համար առանձնահատուկ է:
ПОСЛЕДНИЕ ОТ АВТОРА
-
New2025-05-06 10:46«У нас есть информация, что находящемуся в Баку международному независимому исследователю был запрещён вход в Военный суд». Об этом сообщила Новости Армения-NEWS.am представитель интересов армянских военнопленных в ЕСПЧ, адвокат Сирануш Саакян.
-
New2025-05-06 06:05Министерство внутренней безопасности США заявило, что будет выплачивать компенсацию нелегальным мигрантам, которые будут добровольно покидать Соединенные Штаты и возвращаться на родину, сообщает CNN.
-
New2025-05-06 06:00Глава Союза по правам человека беженцев Арцаха Андраник Григорян в эти дни принимает участие в конференции, организованной Бюро по демократическим институтам и правам человека ОБСЕ в Вене.
-
New2025-05-06 05:56Азербайджан вновь осквернил могилы в мемориальном комплексе в Степанакерте, сообщил MonumentWatch.