Последние новости
2021-02-12 18:42

Ռուբեն ՄԵԼՔՈՆՅԱՆ․ ԹՈՒՐՔԻԱՅԻ ՀԵՏ ՀԱՐԱԲԵՐՈՒԹՅՈՒՆՆԵՐԻ ՄԱՍԻՆ ԽՈՍԵԼԸ ՈՉ ՄԻԱՅՆ ԲԱՐՈՅԱԿԱՆ ՉԷ, ԱՅԼԵՎ ԱՌԱՋ Է ԲԵՐԵԼՈՒ ՀԱՐԳԱՆՔԻ ՊԱԿԱՍ ՀԱՅԱՍՏԱՆԻ ՀԱՆԴԵՊ

0
Telegram

Թուրքիան Հայաստանի նկատմամբ ունի 3 նախապայման. Արցախի հարց, Հայոց ցեղասպանության միջազգային ճանաչման խնդիրը և Թուրքիայի հանդեպ տարածքային պահանջներից հրաժարում կամ, իրենց ձևակերպմամբ, Կարսի պայմանագրի վերաճանաչում: Այս մասին Tert.am-ի հետ զրույցում ասաց ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանը:

Անդրադառնալով ԱԳ նախարարի այն հայտարարությանը, որ Թուրքիան այլևս Հայաստանի սահմանը փակ պահելու պատճառ չունի՝ թուրքագետը նկատեց, որ դա տարակուսելի է:

«Հույս ունեմ, որ նախարարը պարզապես ճիշտ կամ հարմար ձևակերպումներ չի գտել իր միտքն արտահայտելու համար, իսկ եթե իրոք արտգործնախարարը այդպես է մտածում, ուրեմն նա գտնվում է խոր անտեղյակության կամ ինքնախաբեության մեջ, որովհետև Թուրքիան Հայաստանի հետ հարաբերություններ հաստատելու համար երբեք չի հրաժարվել իր մյուս նախապայմանից: Ճիշտ է, Արցախի հարցն իրենք ռազմական ագրեսիայի միջոցով լուծել են, բայց Հայոց ցեղասպանության խնդիրը շարունակում է մնալ իրենց քաղաքական առաջնահերթությունը»,- ասաց Մելքոնյանը:

Թուրքագետը վստահ է, որ այս դիրքից հանդես գալով, երբ Ազգային ժողովում արտգործնախարարը հայտարարում է, որ Արցախը որպես խոչընդոտ այլևս չկա, ապա ինչու Թուրքիան մեզ հետ հարաբերություններ չի հաստատում, դա ոչ միայն թուլացնում է մեր դիրքերը, այլև խոսում է Թուրքիայի հետ հարաբերություններ հաստատելու և թուրքական ոճի վերաբերյալ մեր թյուր պատկերացումների մասին:

«Թուրքիան փորձելու է հասնել մաքսիմումի, տեսնելով հայկական այսօրվա պետականության թույլ դիմադրողականությունը, արտաքին քաղաքականության թույլ վիճակը, բնականաբար, փորձելու է առաջ տանել երկրորդ նախապայմանը և հասնել իր համար այդ կարևոր խնդրի լուծմանը՝ հրաժարում Հայոց ցեղասպանության միջազգային ճանաչումից: Այնպես որ, ստեղծված իրավիճակում Թուրքիան շարունակում է Հայաստանի հանդեպ մնալ ագրեսիվ քաղաքականություն իրականացնող պետություն, միգուցե մի քիչ քողարկված հայտարարություններով, բայց այդ ագրեսիան շարունակվում է, իսկ Հայաստանի կողմից նման ոճի որդեգրումը, կարծում եմ, ոչ միայն պարտվողականության ցուցադրում է, այլև անհեռատեսության և մարտահրավերները ճիշտ չբնութագրելու հետևանք»,- ասաց Մելքոնյանը:

Դիտարկմանը, թե որքանով է բարոյական ունենալ գերիներ և խոսել Թուրքիայի հետ տնտեսական հարաբերությունների զարգացումից, Մելքոնյանը նկատեց, թե որքանով է բարոյական արևելքում, որտեղ գտնվում ենք մենք, հաշվի չառնել ինքնասիրության, արժանապատվության հանգամանքները:

«Այս տարածաշրջանում կան ավանդական արժեհամակարգեր, որոնք ունեն որոշակի դրսևորումներ և դրանցից ազգային ինքնասիրությունն ու արժանապատվությունը շատ կարևոր տեղ են զբաղեցնում: Եթե այդ լույսի ներքո ենք նայում, իհարկե բարոյական չէ խոսել Թուրքիայի հետ տնտեսական հարաբերությունների հաստատման մասին՝ ունենալով գերիներ, բազմաթիվ անհետ կորածներ և աճյուններ, որոնք դեռևս հնարավոր չէ հանձնել հողին: Այսինքն` այս պարագայում, չտեսնել լուրջ խնդիրները, որոնք վերաբերում են բարոյականությանը, ազգային արժանապատվությանը ու խոսել տնտեսական հարաբերությունների, առևտրի մասին, ոչ միայն բարոյական չէ, այլև բանակցող կամ հակառակորդ կողմում առաջ է բերելու հարգանքի լրջագույն պակաս Հայաստանի և Հայաստանի կողմից բանակցող անձանց հանդեպ»,- ընդգծեց Ռուբեն Մելքոնյանը:

Tert.am

ПОСЛЕДНИЕ ОТ АВТОРА

  • ЗАТУЛИН РАСКРЫЛ СУТЬ ИГРЫ АЛИЕВА И ПАШИНЯНА ПРОТИВ ИНТЕРЕСОВ РФ
    2025-07-05 17:07

    Разрыв с Россией может изменить судьбу армяно-российских отношений На фоне резкого обострения отношений Москвы и Баку премьер Армении Никол Пашинян продолжает войну с оппозицией и церковью. После визита силовиков в Эчмиадзин и ареста двух архиепископов он вновь призвал переизбрать главу Армянской апостольской церкви. За поддержку ААЦ арестован российский бизнесмен Самвел Карапетян. В стране прошла новая серия арестов после того, как Следственный комитет Армении объявил о раскрытии заговора с целью захвата власти. О ситуации в Армении мы поговорили с первым заместителем председателя Комитета Госдумы по делам СНГ, евразийской интеграции и связям с соотечественниками Константином ЗАТУЛИНЫМ.

  • Эрдоган: Зангезурский коридор откроет возможности для всего региона
    2025-07-05 15:05

    Президент Турции Реджеп Тайип Эрдоган в беседе с журналистами по возвращении из оккупированного Арцаха рассказал о «возможностях», которые откроются благодаря так называемому «Зангезурскому коридору» «не только для Азербайджана, но и для всего региона».

  • «Конституция в оковах»: Акция АРФД у КС (Видео)
    2025-07-05 15:03

    Молодежный союз АРФ «Дашнакцутюн» проводит акцию протеста у здания Конституционного суда Армении.  

  • За "амбала" ответил: отец мэра Еревана проиграл в суде по резонансному делу об "опелях"
    2025-07-05 15:02

    Отец мэра Еревана Тиграна Авиняна – Армен Авинян — проиграл в суде по резонансному делу, связанному с его высказываниями в адрес водителей машин марки Opel. Об этом сообщил член фракции "Мать Армения" Григор Искандарян в прямом эфире в соцсетях.

ПОСЛЕДНЕЕ ПО ТЕМЕ