2021-02-15 19:43
Информагентства
Վազգեն Մանուկյան․ Փետրվարի 20-ի հանրահավաքին ոստիկանական ուժերը ուժ չեն կիրառի (ՏԵՍԱՆՅՈՒԹ)
Փետրվարի 20-ին ոստիկանությունը ուժ չի կիրառի, որովհետև այնքան մեծ հանրահավաք կլինի, որ ոստիկանական ուժերը չեն հերիքի: Ազատության հրապարակում լրագրողների հետ զրույցում նշեց Հայրենիքի փրկության շարժման վարչապետի թեկնածու Վազգեն Մանուկյանը, տեղեկացնում է News.am-ը:
Հարցին, թե ինչ նախադրյալներ կան, որ հանրահավաքը մեծ է լինելու, Վազգեն Մանուկյանը պատասխանեց. «Բայց ո՞ր նախադրյալներ են փոխվել, որ քիչ մարդ լինի: Մենք ունեցել ենք սարսափելի պարտություն պատերազմում: Շատերն ինձ ասում են՝ խեղճ Նիկոլն ի՞նչ աներ, մեկ է պատերազմը լինելու էր, մեկ է մենք պարտվելու էինք: Ասում եմ՝ բազմաթիվ ապացույցներ կան, թե պատերազմում ինչեր են տեղի ունեցել, և ինչ կարելի էր անել, որ պատերազմը չսկսվեր: Դա մի կողմ, պատերազմը վերջացավ, զինադադարի պայմանագիր կնքվեց: Ինչու դրանից հետո մի հատ էլ թուղթ ստորագրվեց, որ մեր զորքը Կուբաթլուն, Զանգելանը թողեց, 10-12 կմ առաջ էինք, երից հետո մենք պրոբլեմներ ունեցանք Սյունիքի սահմանին:
Ենթադրենք Նիկոլ Փաշինյանը մնաց իշխանության, ի՞նչ է լինելու Հայաստանում: ՀՀ-ում մի ղեկավար, որ ման է գալիս բրոնիժիլետով, տասնյակ մեքենաներով, անընդհատ հավաքում է ոստիկաններին: Երկրի ղեկավար, որը արտաքին աշխարհի հետ խոսելիս խեղճացած վիճակում է, ինչ իրենից պահանջեն, կանի»,-ասաց նա:
Հարցին, թե արդյոք ձևավորվել են այն խմբերը, ջոկատները, որոնք պետք է գնան պատգամավորների, բարձրաստիճան ոստիկանների տները, ինչպես ինքն ասել էր նախորդ հավաքի ժամանակ, Վազգեն Մանուկյանը պատասխանեց, որ ինքն այդ առաջարկը կանի իր գործընկերներին փետրվարի 20-ին:
Հարցին, թե արդյոք հնարավոր է առաջ գան «ռոմանտիկներ», որոնք կցանկանան զենքի ուժով հարցեր լուծել, Վազգեն Մանուկյանն ասաց. «Այդպիսի դեպքեր լինում են միայն այն դեպքում, երբ քաղաքական կյանքը կանգնում է: Այդ դեպքում հայտնվում են մարդիկ տարբեր ցնդաբանությամբ, որոնք անում են քայլեր, որոնք վտանգավոր են մեր պետության համար»:
ПОСЛЕДНИЕ ОТ АВТОРА
-
New2025-05-12 11:10Депутат НС РА, секретарь оппозиционной фракции "Айастан" Арцвик Минасян призвал генпрокурора Анну Вардапетян начать проверку и дать правовую оценку резонансным заявлениям начальника командно-штабного института Военной академии имени В.Саркисяна Арцруна Ованнисяна насчет значения Сталинградской битвы для армянского народа.
-
New2025-05-12 11:08Группа родителей учащихся ереванской школы им. Пушкина с утра провела акцию протеста во дворе учебного заведения, откуда направилась к зданию министерства образования, науки, культуры и спорта Армении.
-
New2025-05-12 11:07Индия открыла закрытые ранее из-за обострения с Пакистаном 32 аэропорта на севере и западе страны, сообщает телеканал News18.
-
New2025-05-12 11:05Президент США Дональд Трамп подписал указ о начале реализации программы «самовысылки» нелегальных мигрантов с территории Соединенных Штатов, пишет Deutsche Welle.