2021-03-02 13:34
Информагентства
Արտակ ԶԱՔԱՐՅԱՆ․ ՕՆԻԿ ԳԱՍՊԱՐՅԱՆԻ ՄԻԱԿ ՍԽԱԼԸ ՓԱՇԻՆՅԱՆԻՆ ԺՈՂՈՎՐԴԻ ՎՐԵԺԻՑ ԲՈՒՆԿԵՐՈՒՄ ՊԱՏՍՊԱՐԵԼՆ ԷՐ
ՀՀ ՊՆ նախկին առաջին տեղակալ, ԱԺ արտաքին հարաբերությունների մշտական հանձնաժողովի նախկին նախագահ Արտակ Զաքարյանը կարծում է, որ վարչապետ Նիկոլ Փաշինյանը բարոյական կամ այլ իրավունք չունի զինված ուժերի գլխավոր շտաբի պետ Օնիկ Գասպարյանին պաշտոնից ազատելու համար։
Զաքարյանը ֆեյսբուքյան իր էջում գրառում է կատարել` ասելով, որ Օնիկ Գասպարյանի միակ սխալն այն էր, որ Փաշինյանի նման դավաճանին, միանձնյա կապիտուլիացիան ստորագրելուց անմիջապես հետո չի ձերբակալել։
«Օնիկ Գասպարյանը Հայաստանը և Արցախը պաշտպանել է առաջին պատերազմում, 2016թ. ապրիլյան պատերազմում, 2020թ. արցախյան վերջին պատերազմում։ Պաշտպանում է նաև այսօր։ Օնիկն իր ամբողջ կյանքը Զինուժին է նվիրել, անբասիր ծառայել, անուն ու հարգանք է ձեռք բերել։ Օնիկի միակ սխալը ժողովրդի վենդետայից ՊՆ բունկերում քեզ պատսպարելն էր»,–գրել է Զաքարյանը։
Նրա խոսքով` Գասպարյանի մարդկային առաքինությունը և գեներալական հայրենասիրությունը կայանում է նաև նրանում, որ ընդդիմությանը համոզում էր հետպատերազմական շրջանում որոշ ժամանակ աջակցեն կառավարությանը։ Զաքարյանը վստահեցնում է, որ ԳՇ պետը հույս ուներ, որ Փաշինյանը կգիտակցի իրավիճակի լրջությունը, և կփորձի դուրս բերել Հայաստանն ու Արցախը ծանր բարոյահոգեբանական վիճակից։ Սակայն, ըստ Զաքարյանի, Փաշինյանը փորձեց իր պարտությունը գցել Գասպարյանի ու նրա նման հայրենասեր բարձրաստիճան զինվորականների «գրպանը»՝ մեղադրելով նրանց այն հարցերում, որտեղ հենց վարչապետին պետք է մեղադրեին։
Արտակ Զաքարյանը նշել է նաև, որ վարչապետը ջնջել է Օնիկ Գասպարյանի ու նրա պես տասնյակ հազարավոր հայրենասերների անցած փառավոր մարտական ուղին, խաչ քաշել նրանց ողջ կյանքի իմաստի ու արժանապատվության վրա։
«Լսի՛ր, քո արարքը տղամարդկության ամենաստոր կետում է։ Էրդողանն ու Ալիևը, քո երեկվա «ելույթը» լսելուց հետո, այսօր առավոտյան նամազով, Մուհամմադ մարգարեից քո հարամ մեղքերի համար էլ են երևի թողություն խնդրել։ Եվ իմացի՛ր, երջանիկ են այն ղեկավարները, որոնց ժողովուրդն ուղարկում է տուն։ Քեզ քարշ են տալու դատարան, այնպես, ինչպես դու ես քարշ տվել նրանց հանրահավաքի՝ ստիպողաբար»,–իր խոսքն ամփոփել է Զաքարյանը։
ПОСЛЕДНИЕ ОТ АВТОРА
-
New2025-06-18 10:47По информации Новости Армении- NEWS.am, недавно из полицейского участка вышли Карен Карапетян и его сын Нарек Карапетян.
-
New2025-06-18 10:45Глава Службы национальной безопасности Армен Абазян освобожден от занимаемой должности. Соответствующее распоряжение подписал премьер Никол Пашинян.
-
New2025-06-18 10:44Международный комитет защиты прав человека обратился к Генпрокурору Армении с просьбой оказать содействие для соблюдения и защиты прав российского предпринимателя, главы ГК "Ташир" Самвела Карапетяна. Об этом говорится в обращении вице-президента комитета Ивана Мельникова к генпрокурору Армении Анне Вардапетян.
-
New2025-06-18 09:43Правозащитники требуют от Азербайджана освободить всех армянских заключённых, находящихся в его тюрьмах, в том числе бывшего министра правительства Нагорного Карабаха Рубена Варданяна. С призывом вмешаться в ситуацию обратился к президенту США Дональду Трампу сын Варданяна Давид.