2021-03-04 14:36
Информагентства
«Գազպրոմ Արմենիա» ՓԲԸ-ի պարգևները
Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինը «Հաղթանակ» կազմակերպչական կոմիտեի անունից «Գազպրոմ Արմենիա» ՓԲԸ Վարչության նախագահ-Գլխավոր տնօրեն Հրանտ Թադևոսյանին հանձնեց «1941–1945 թթ. Հայրենական Մեծ պատերազմում հաղթանակի 75-ամյակ» հուշամեդալ և Ռուսաստանի Դաշնության նախագահ Վլադիմիր Պուտինի ստորագրությամբ պատվոգիր՝ «Գազպրոմ Արմենիա» ՓԲԸ Ուսումնասպորտային համալիրում մարտի 3-ին տեղի ունեցած հանդիսավոր միջոցառման ժամանակ, տեղեկացնում է Tert.am-ը:
«Գազպրոմ Արմենիա» ընկերությունը բարձր պարգևի է արժանացել քաղաքացիների հայրենասիրական դաստիարակության և Հայրենական Մեծ պատերազմի վետերանների սոցիալ-տնտեսական խնդիրների լուծման գործում ակտիվ մասնակցության համար:
Շնորհավորելով Ընկերության աշխատողներին՝ դեսպան Կոպիրկինն ընդգծեց, որ այս պարգևը խորհրդանշական է, քանի որ «Գազպրոմ Արմենիա»-ն կարևոր և հանգուցային գործընկեր է դեսպանատան հովանու ներքո կազմակերպվող սոցիալական և մշակութային տարատեսակ միջոցառումների անցկացման հարցում:
«Անցած տարի, որը հոբելյանական էր, «Գազպրոմ Արմենիա» ընկերության ֆինանսավորմամբ դրամական աջակցություն ստացան Հայրենական Մեծ պատերազմի բոլոր վետերանները, որոնք ապրում են Հայաստանի Հանրապետությունում: Դա շատ նշանակալի ծրագիր էր, որը դրական մեծ արձագանք ստացավ: Եվ այս պարգևը այդ նշանակալի աշխատանքի արդյունքն է: Սա կարևոր աշխատանք է, որը ոչ միայն նպաստում է ընկերության վարկանիշի բարձրացմանը, այլ նաև՝ իրական ներդրում է սոցիալական զարգացման առումով, աջակցություն այն մարդկանց, որոնք ապրում են այստեղ»,- նշեց Ս.Կոպիրկինը:
Շնորհակալություն հայտնելով Ռուսաստանի Դաշնության արտակարգ և լիազոր դեսպանին բարձր գնահատականի համար՝ «Գազպրոմ Արմենիա» ՓԲԸ Վարչության նախագահ-Գլխավոր տնօրեն Հրանտ Թադևոսյանը նշեց, որ ընկերությունը պատրաստակամ է շարունակել արդյունավետ համագործակցությունը դեսպանության հովանու ներքո իրագործվող նախագծերի շրջանակում:
ՌԴ դեսպանին ներկայացվեցին «Գազպրոմ Արմենիա» ՓԲԸ գործունեության հիմնական ուղղությունները, իրականացված խոշորածավալ ներդրումային ծրագրերը, ֆինանսատնտեսական ցուցանիշները, ինչպես նաև համառոտ շնորհանդես Ուսումնասպորտային համալիրի գործունեությանը վերաբերյալ:
Միջոցառման ընթացքում Հ.Թադևոսյանը «Գազպրոմ Արմենիա» ՓԲԸ մի շարք աշխատողների հանձնեց «Գազպրոմ» ՀԲԸ Վարչության նախագահ Ա.Միլլերի շնորհակալագրերը՝ գազի արդյունաբերության զարգացման գործում անձնական մեծ ավանդի, երկարամյա բարեխիղճ աշխատանքի համար:
Միջոցառման ավարտից հետո Ռուսաստանի Դաշնության արտակարգ և լիազոր դեսպանը և «Գազպրոմ Արմենիա» ՓԲԸ Վարչության նախագահ-Գլխավոր տնօրենը շրջայց կատարեցին Ուսումնասպորտային համալիրի տարածքում: Դեսպանին ներկայացվեցին դպրոցի և մանկապարտեզի հնարավորությունները, տեխնիկական հագեցվածությունը, ինչպես նաև համալիրի կազմում գործող սահադաշտի, լողավազանների և մարզադահլիճների պայմանները: Հյուրերի համար հատուկ կազմակերպվել էր մանկական ներկայացում, որը պատրաստել էին համալիրի սաները:
Շնորհակալություն հայտնելով Գազպրոմ Արմենիա» ՓԲԸ Վարչության նախագահ-Գլխավոր տնօրենին կազմակերպված միջոցառման համար՝ Ռուսաստանի Դաշնության արտակարգ և լիազոր դեսպանը նշեց. «Չափազանց հետաքրքիր էր ծանոթանալ «Գազպրոմ Արմենիա» ընկերության գործունեությանը, Ուսումնասպորտային համալիրի աշխատանքին: Սա իմ առաջին այցն է և շատ կարևոր էր տեսնել այս ամենը սեփական աչքերով»:
ПОСЛЕДНИЕ ОТ АВТОРА
-
New2025-06-17 08:02В Армению в январе-мае 2025 года прибыли 691 882 туриста, что на 73 562 человека меньше, чем за аналогичный период 2024 года. Это следует из данных, обнародованных Комитетом по туризму Армении.
-
New2025-06-17 07:59На фоне обострения напряженности между Израилем и Ираном Индия начала эвакуацию своих граждан из зон повышенного риска в Иране и активно рассматривает варианты эвакуации через территорию Армении. Об этом пишет The New Indian Express.
-
New2025-06-17 07:56Президент США Дональд Трамп заявил, что в текущей эскалации между Израилем и Ираном преимущество на стороне Израиля. По его словам, Тегеран "не побеждает в этой войне", и единственным выходом из конфликта является начало немедленных переговоров. Такое заявление он сделал во время встречи с премьер-министром Канады Марком Карни на полях саммита G7. Его слова приводит РИА Новости.
-
New2025-06-17 07:55В июне 2025 года 78 из 80 партий срезанных цветов, поставленных из Армении в Россию, не прошли карантинный фитосанитарный контроль в местах назначения. Об этом сообщает Россельхознадзор на своем официальном сайте.