2021-03-05 17:18
Информагентства
«1915 թվականի կանայք» ֆիլմը կցուցադրվի Amazon Video-ում
«1915 թվականի կանայք» փաստավավերագրական լիամետրաժ ֆիլմը կցուցադրվի Amazon Video-ում Մարտի 8-ի` Կանանց միջազգային օրվա կապակցությամբ: Տեղեկությունը հայտնում է Armenian Weekly-ն՝ վկայակոչելով «Արմենոիդ Փրոդաքշնս» ընկերության մամուլի հաղորդագրությունը։
«Մենք որոշել ենք Amazon Video-ում հեռարձակել «1915 թվականի կանայք» ֆիլմը և ցուցադրել այն կանանց միջազգային օրը։ Ֆիլմը պատմում է Հայոց ցեղասպանության տարիներին հայ կանանց պայքարի և տառապանքների, ինչպես նաև այն եվրոպացիների ու ամերիկուհիների մասին, ովքեր մարդասիրական օգնություն են ցուցաբերել հայ կանանց», - պարբերականը մեջբերում է ֆիլմի ռեժիսոր Բարեդ Մարոնյանի խոսքը:
Ռեժիսորը հուսով է, որ ֆիլմը կլինի հույսի մի փարոս այն կանանց համար, ովքեր այսօր անցնում պատերազմի և ոչնչացման ճանապարհը։
«Ֆիլմում ներկայացված կանանցից մեկը ՝ Վիկտորիա Արթինիան, վերապրել է Հայոց ցեղասպանությունը և գաղթել Միացյալ Նահանգներ։ Նա կարողացել է հաղթահարել այդ անհավատալի դաժան իրադարձությունները, հասել ԱՄՆ և իրականացրել ամերիկյան երազանքը։ Անհավատալի է, բայց նա նաև օգնել ու մեծացրել է իր դստեր խորթ որդուն, ով սկսած 20 տարեկանից բառացիորեն փոխել է այս աշխարհը. Վիկտորիա Արթինիան Սթիվ Ջոբսի (Apple ընկերության հիմնադիր) խորթ տատիկն էր։
«1915 թվականի կանայք» ֆիլմում պատմվում է նաև Ճապոնիայում Հայաստանի դեսպան Դիանա Աբգարի և միսիոներներ Մերի Լուիզ Գրաֆամի և Մարիա Յակոբսենի մասին: Նրանք բոլորը իրենց կյանքը նվիրեցին ցեղասպանությունը վերապրածների փրկությանը։
Վավերագրական ֆիլմը, որը ցուցադրվել է աշխարհի ավելի քան 40 քաղաքներում, պաշտոնապես ընտրվել է Շվեյցարիայի միջազգային կինոփառատոնում և արժանացել է միջազգային Independent Film Awards-ի, Aphrodite Film Awards-ի, Docs Without Borders Film Festival-ի և Pomegranate Film Festival-ի լավագույն վավերագրական ֆիլմի մրցանակին: Բացի այդ, ռեժիսոր Բարեդ Մարոնյանն ARPA կինոփառատոնում արժանացել է Արմին Թ.Վեգների անվան մարդասիրական մրցանակին:
Մինչև «1915 թվականի կանայք» ֆիլմը, Մարոնյանը աշխատել է «Ցեղասպանության որբերը» հայտնի վավերագրական ֆիլմի վրա, որը պատմում է Օսմանյան կայսրությունում Ցեղասպանության հետևանքով առանց ծնողների մնացած հայ որբերի ծանր վիճակի մասին: Այդ ֆիլմը հեռարձակվել է ԱՄՆ-ի բազմաթիվ հեռուստաալիքներով, ներկայացվել է մի շարք միջազգային կինոփառատոներում և արժանացել բազմաթիվ մրցանակների, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2025-05-22 20:21Визит министра иностранных дел России Сергея Лаврова в Ереван 20-21 мая стал знаковым событием, которое может ознаменовать поворот в российско-армянских отношениях после длительного периода охлаждения.
-
2025-05-22 19:55Президент Турции Тайип Эрдоган заявил, что у него нет намерений снова баллотироваться в президенты, но стране необходима новая конституция. Об этом он сказал в беседе с журналистами своего пула по возвращении из Венгрии. Турецкий лидер добавил, что нужна конституция, предложенная гражданскими лицами, а не заговорщиками, и его Партия справедливости и развития ведет работу над подготовкой проекта нового Основного закона.
-
2025-05-22 19:53Рано утром в четверг на территории ЦРУ в городе Маклин американского штата Вирджиния получил огнестрельное ранение человек, сообщает NBC Washington.
-
2025-05-22 19:50Всего в ходе отражения массированного налета беспилотников противника (с 20 часов 20 мая до 8 часов 22 мая) вне зоны проведения специальной военной операции, над территорией России средствами ПВО сбиты 485 беспилотных летательных аппаратов самолетного типа, сообщает Минобороны РФ.